کوئٹہ :بلوچستان کے 13 وارڈز میں بلدیاتی الیکشن کے حوالے سے ری پولنگ مکمل ہوگئی، دکی میں آزاد امیدوار جبکہ نوشکی میں جمعیت علماء اسلام نے میدان مار لیا۔
بلوچستان کے 8 اضلاع کے 13 وارڈز میں بلدیاتی الیکشن کے حوالے سے ری پولنگ کا عمل مکمل ہوگیا، غیر حتمی غیر سرکاری نتائج کے مطابق ضلع دکی کی یونین کونسل 1 وارڈ نمبر 3 سے آزاد امیدوار گل محمد 299 ووٹ لیکر کامیاب ہوگئے جبکہ ضلع نوشکی کی یونین کونسل قادر آباد وارڈ نمبر 7 سے جے یو آئی کے امیدوار نے میدان مار لیا۔
غیر حتمی غیر سرکاری نتائج کے مطابق ضلع سبی کی یونین کونسل 8 وارڈ نمبر 3 سے پشتونخوامیپ کے امیدوار نے میدان مار لیا، ضلع لورالائی کے وارڈ نمبر 4 پر مقابلہ 49، 49 ووٹوں سے برابر رہا۔
صوبائی الیکشن کمشنر کا کہنا ہے کہ ری پولنگ کیلئے سیکیورٹی کے فول پروف انتظامات کئے گئے تھے۔الیکشن کمیشن کی جانب سے 29 مئی کے بلدیاتی انتخابات میں بلوچستان کے 8 اضلاع کے 15 پولنگ اسٹیشن میں مختلف واقعات کے باعث پولنگ ری شیڈول کی گئی تھی۔
ادھرسندھ میں ہونے والے بلدیاتی انتخابات کے پہلے مرحلے کی پولنگ کے دوران پیپلز پارٹی کے رکن صوبائی اسمبلی کے بیٹے کی خاتون پولنگ افسر سے بد تمیزی کا الیکشن کمیشن نے نوٹس لے لیا۔
الیکشن کمیشن نے ایم پی اے کے بیٹے کرن ہری رام کو نوٹس جاری کرتے ہوئے 6 جولائی کو اسلام آباد طلب کرلیا۔پیپلز پارٹی کے ایم پی اے کے بیٹے کی خاتون پولنگ افسر سے تلخ کلامی کی ویڈیو وائرلایم پی اے کے بیٹے کی پولنگ اسٹیشن میں خاتون پریزائیڈنگ افسر سے تلخ کلامی کی ویڈیو وائرل ہوئی تھی۔
واقعہ بلدیاتی الیکشن کے پہلے مرحلے میں 26 جون کو پولنگ اسٹیشن نمبر 39 میں سامنے آیا تھا۔پولنگ ایجنٹ کو نکالے جانے پر کرن کمار اور خاتون پریزائیڈنگ افسر میں تلخ کلامی ہوئی تھی۔کرن کمار کا کہنا تھا کہ پولنگ ایجنٹ کو کیوں نکالا گیا جبکہ خاتون پریزائیڈنگ افسر کا کہنا تھا کہ دھمکائیں نہیں کسی ایجنٹ کو نہیں نکالا گیا۔