سمار ٹ لاک ڈاؤن یقینی بنانے کے لئے لاہور پولیس کا سکیورٹی پلان تیار

سمار ٹ لاک ڈاؤن یقینی بنانے کے لئے لاہور پولیس کا سکیورٹی پلان تیار

باغی ٹی وی : لاہور پولیس کےکورونا ہاٹ سپاٹ پوائنٹس پر سمارٹ لاک ڈاؤن کیلئے بھرپورسکیورٹی اقدامات کر لیے،ڈی آئی جی آپریشنز سٹی اشفاق خان کے مطابق ڈویژن،کینٹ، اقبال ٹاؤن اور ماڈل ٹاؤن ڈویژن کے ایس پیز و دیگر افسران سپرویژن کر رہے ہیں

ایس ڈی پی اوز،ایس ایچ اوز،54اپر سب آرڈینیٹس،400سے زائد پولیس اہلکار ہاٹ سپاٹس پر تعینات ہیں۔ماڈل ٹاؤن ڈویژن میں180، اقبال ٹاؤن میں 70،کینٹ 100اور سٹی ڈویژن میں10 پولیس جوان تعینات ہیں۔

پولیس افسران سلیکٹڈسمارٹ لاک ڈاون علاقوں میں حکومتی ایس او پیز پر عملدرآمد یقینی بنارہے ہیں۔ایس پیز،ایس ڈی پی اوز،متعلقہ افسران کورونا ہاٹ سپاٹس پر لاک ڈاون سکیورٹی انتظامات کا خود جائزہ لیں
ضلعی انتظامیہ اور ہیلتھ ایڈوائزی کے مطابق تمام لاجسٹک انتظامات بر وقت مکمل کئے گئے.ڈی آئی جی آپریشنز نے ہدایت کی ہے کہ سمارٹ لاک ڈاؤن ایریاز میں تعینات پولیس افسران و اہلکار ماسک،گلوز اور سینٹائزر استعمال کریں۔کورونا ہاٹ سپاٹس کے رہائشی غیر ضروری نقل و حرکت سے گریز کریں۔

انہوں نے کہا لاہور پولیس کے حفاظتی اقدامات لوگوں کی زندگی، صحت کا تحفظ یقینی بنانے کے لئے ہیں۔