لاہور میں لاک ڈاون کا 50 واں دن، پولیس نے کیا کیا؟

کورونا ایمرجنسی صورتحال، شہر میں جاری سمارٹ لاک ڈاون کی نصف سنچری مکمل۔
لاہور پولیس کے مطابق 50 روز میں 02 لاکھ 30 ہزار سے زائد شہریوں کو ناکوں پر روکا اور نقل و حرکت کی وجہ پوچھی گئی۔ 02 لاکھ 19ہزار شہریوں کو وارننگ، گھروں کو واپس بھیجا گیا۔ ڈی آئی جی رائے بابر سعید کا کہنا ہے کہ 02 لاکھ 7289 گاڑیوں و موٹر سائیکلز کی چیکنگ عمل میں لائی گئی۔ دفعہ144 اور دیگر قانون شکنی پر اب تک 2208 ایف آئی آرز کا اندراج کیا گیا۔ 8044 موٹر سائیکلز اور گاڑیوں کو خلاف ورزی پر بند کیا گیا۔ 04 ہزار 453 شہریوں سے غیر ضروری طور پر دوبارہ سڑکوں پر نہ آنے کے شورٹی بانڈز لئے گئے۔ 01 لاکھ 17ہزار سے زائد موٹر سائیکلز، 29 ہزار 478 رکشوں, 43 ہزار 793 کاروں کی چیکنگ عمل میں لائی گئی۔ 6111ٹیکسیوں, 10 ہزار 877 بڑی گاڑیوں کو بھی چیک کیا گیا۔