لاک ڈاؤن کے دوران رشتہ ازدواج میں منسلک ہونے والے فنکار

کوروناوائرس نے جہاں دنیا بھر میں تہلکہ مچایا ہے اور انسانی زندگیوں پر منفی اثرات مرتب کئے ہیں سماجی رابطی ختم ہو کر رہ گیا ہے لوگ اپنے گھروں میں محدود ہو کر رہ گئے ہیں حکومت کی طرف سے تمام مذہبی اور معاشی اجتماعات پر پابندی عائد کی گئی ہے وہیں کورونا کے باعث ہونے والے لاک ڈاؤن کے دوران چند ایک شوبز فنکاروں نے شادی کر کے اپنی نئی زندگی کا آغاز کیا ہے-

باغی ٹی وی : کورونا وبا کے باعث لوگوں کا ایک دوسرے سے ملنا جلنا اور سماجی رابطہ ختم ہوکر رہ گیا ہے۔ کورونا کےخوف کے باعث شادی بیاہ جیسی تقریبات بھی ختم ہوکر رہ گئی ہیں۔ ایسے میں پاکستانی شوبز کے فنکاروں نے لاک ڈاؤن کے دوران کم لوگوں کی موجودگی میں شادی کرکے ایک مثال قائم کرنے کی کوشش کی ہے۔

ثمینہ احمد اور منظر صہبائی

گزشتہ ماہ 4 اپریل کو پاکستان کی معروف اداکارہ ثمینہ احمد اور اداکار منظر صہبائی نے کورونا لاک ڈاؤن کے دوران اچانک شادی کرکے مداحوں کو سرپرائز دے کر خوشگوار حیرت میں ڈال دیا۔ دونوں اداکار 70 برس کی عمر میں خاموشی سے رشتہ ازدواج میں منسلک ہوگئے۔ خاموشی سے ہوئی اس شادی کی خبر سامنے آنے کے بعد کئی گھنٹوں تک پاکستان ٹوئٹر پر ٹاپ ٹرینڈ میں رہی۔

مداحوں نے اس شادی کو خوب سراہا اور دونوں کو نئی زندگی کی ڈھیروں مبارکباد دی جب کہ کچھ لوگوں نے تومنظر اور ثمینہ کی شادی کی خبر کو کورونا کے ماحول میں ایک خوشگوارخبر قرار دیتے ہوئے کہا کہ بہت دنوں بعد ایک اچھی خبر سننے کو ملی۔

نمرہ خان

پاکستانی اداکارہ و ماڈل نمرہ خان بھی اپریل کے آخری ہفتے میں لاک ڈاؤن کے دوران سادگی کے ساتھ شادی کے بندھن میں بندھ گئیں جس کی خبر انہوں نے سوشل میڈیا پر اپنے چاہنے والوں کے ساتھ شیئر کی اور لوگوں سے اپنی نئی زندگی کے لیے دعا کرنے کی درخواست کی۔ لوگوں نے نمرہ خآن کی شادی پر خوشی کا اظہار کرتے ہوئے ڈھیروں مبارکباد اور دعاؤں سے نوازا-

آغا علی اور حنا الطاف

کورونا وبا اور لاک ڈاؤن کے دوران ایک اور پاکستانی جوڑی آغا علی اور حنا الطاف نے بھی کم لوگوں کی موجودگی میں رمضان المبارک کے آخری جمعے کو اپنے قریبی رشتہ داروں کی موجودگی میں شادی کرکے اپنے مداحوں کو خوشگوار حیرت میں مبتلا کر دیا ان کی خوبصورت تصاویر سوشل میڈیا پر وائرل ہوئیں جن کو مداحؤں نے بے حد پسند کیا اور نیک تمناؤں کا اظہار کرتے ہوئے مبارکباد دی اور دعاؤں سے نوازا-

ثمینہ احمد اور منظر صہبائی محبت اور نیک خواہشات پر مداحوں کے مشکور

ثمینہ احمد اور منظر صہبائی شادی کے بندھن میں بندھ گئے

اداکارہ نمرہ خان نے شادی کر کے نئی زندگی کا آغاز کر دیا