ہمایوں سعید جس بھی پراجیکٹ میں ہوتے ہیںچاہے وہ چھوٹی سکرین کےلئے ہو یا بڑی دھوم مچا دیتے ہیں ۔ان کاڈرامہ میرے پاس تم ہو یا جوانی پھر نہیں آنی ،پنجاب نہیں جاﺅنگی نے کامیابی کے ریکارڈز قائم کئے۔اب ان کی فلم ”لندن نہیں جاﺅنگا“ سینما گھروں کی زینت بننے جا رہی ہے ۔فلم کو ندیم بیگ نے ڈائریکٹ کیا ہے اور خلیل الرحمان قمر نے اسے لکھاہے۔ہمایوں سعید کے علاوہ فلم میں مہوش حیات اور کبری خان ،صبا فیصل ،شانی ارشد، وقاص دانش،عفت عمر ،گوہر رشید شامل ہیں ۔لندن نہیں جاﺅنگا عید الاضحی پر ریلیز ہو گی۔فلم کا پوسٹر ہمایوں سعید نے اپنے سوشل میڈیا اکاﺅنٹس سے شئیر کیا اور ساتھ ہی یہ بھی لکھا کہ فلم کا ٹریلر گیارہ جون کو جاری کیا جائیگا ۔
یاد رہے کہ ہمایوں سعید اور مہوش حیات کی جوڑی کو شائقین بہت پسند کرتے ہیں یہ جب جب دونوں ایک ساتھ آتے ہیں ان کی جوڑی ایک سحر قائم کر دیتی ہے۔کبری خان جو کافی عرصہ بیماری میں رہیں اس دوران ان کا وزن بھی کافی بڑھ گیا تھا ،ان کا بڑھا ہوا وزن ان کے ڈرامہ ”ہم کہاں کے سچے تھے“ میں دیکھا جا سکتا ہے امید کررہی ہیں کہ ان کی فلم لندن نہیں جاﺅنگی میں شائقین انہیں پسند کر یں گے ۔
