پاک فوج؛آئی ایس آئی زندہ باد:جسے عقل تسلیم نہیں کرتی وہ افغانستان میں کردکھایا:بھارتی فوجی افسر

نئی دہلی:پاک فوج؛آئی ایس آئی زندہ باد:جسے عقل تسلیم نہیں کرتی وہ افغانستان میں کردکھایا:بھارتی فوجی افسر کا پاک فوج اورآئی ایس آئی کو خراج تحسین ، اطلاعات کے مطابق افغان صورتحال پر بھارتی فوج کے سابق افسر نے پاکستانی فوج اور آئی ایس آئی کو مبارکباد دی ہے۔

بھارتی فوج کے سابق اہلکار اور دفاعی تجزیہ کار کرنل دھنویر سنگھ نے افغانستان میں طالبان کی حکومت قائم ہونے پر پاک فوج اور آئی ایس آئی کو مبارکباد دیتے ہوئے کہا کہ پاک فوج اور آئی ایس آئی نے پاکستان کو یوم آزادی پر بڑا تحفہ دیا جس پر وہ مبارکباد کے مستحق ہیں،

بھارتی فوج کے افسر اوردفاعی تجزیہ نگار کہتے ہیں کہ افغانستان کے سارے پس منظر میں سارے آپریشنز میں سب سے اہم آپریشن انٹیلی جنس آپریشن تھا، افغانستان کے گورنرز، افغان آرمی کے جنرلز، وہاں کے وار لارڈز کو آئی ایس آئی توڑنے میں کامیاب ہوگئی۔

دھنویر سنگھ نے کہا کہ آئی ایس آئی کو داد دینی چاہئے، آئی ایس آئی نے بہت ہی شاندار کام کیا تاہم اس سارے معاملے میں بھارت کی صورتحال بہت ہی گھمبیر ہے،

بھارت کی حالت اس لڑکے کی ہے جو دو بوڑھوں کی لڑائی میں خوامخواہ چانٹے کھا کر روتا ہوا گھر آجاتا ہے۔