+9251
یوم آزادی کی مناسبت سے "الف” ٹی وی کے لانگ پلے”شاد باد منزل مراد” کی ریکارڈنگ لاہور میں جاری ہے جس میں آغا علی،حنا چوہدری اور سلمان شاہد مرکزی کردار کررہے ہیں۔اس کھیل کے رائٹر علی معین ،ڈی او پی راشد عباس ،ایگزیکٹو پروڈیوسر علی ہاشمی اور ڈائریکٹر احمد علی خان ہیں۔ ڈرامے میں دو نسلوں کو موضوع بنایا گیا ہے جس میں ایک نسل وہ ہے جس نے پاکستان بنتے دیکھا جبکہ دوسری موجودہ نسل ہے۔دونوں نسلوں کے درمیان مختلف موضوعات پر اختلاف شدت اختیار کر جاتا ہے۔اس جنگ میں جیت کس کی ہوتی ہے اس کے لئے آپ کو دیکھنا پڑے گا لانگ پلے”شاد باغ منزل مراد”
اس ڈرامے میںاپنے کردار کے حوالے سے” آغا علی نے کہا ہے کہ میں بہت پرجوش ہوں کہ میں نے اہم کردار نبھایا ہے اور مجھے بہت یقین ہے کہ اس کردار کو بہت سراہا جائیگا”، دوسری طرف سلمان شاہد کا کہنا ہے کہ ڈرامے کی کہانی بہت زبردست ہے اور 14 اگست کی مناسبت سے لکھی گئی ہے. ہر کردار یقینا تعریف کے قابل ہے. ڈرامے کی شوٹنگ 90 فیصد مکمل ہو گئی ہے جبکہ چند ایک دن کا کام باقی ہے لیکن ہم سب ڈرامے کو لیکر کافی پر امید ہیں کہ اسے بہت زیادہ پسند کیا جائیگا.
