ایل پی جی گیس کی قیمتوں میں خود ساختہ اضافہ ، حکومت بے بس

ایل پی جی گیس کی قیمتوں میں خود ساختہ اضافہ ، حکومت بے بس

باغی ٹی وی : شہریوں کی مجبوت سے فائدہ اٹھاتے ہوئے گیس ڈسٹری بیوٹرز نے مجبور عوام کا خون پینا شروع کردیا ہے .سوئی گیس کی بندش کے باعث شہری متبادل ایندھن کے استعمال پر مجبور ہو گئے، ایل پی جی کی فی کلو قیمت میں اضافے کا رجحان جاری ہے، صرف دس روز میں ایل پی جی کی فی کلو قیمت میں پچاس روپے کا اضافہ ہو گیا۔ انتظامیہ اوگرا کے مقررکردہ نرخوں پر عملدرآمد کروانے میں بھی ناکام ہوگئی۔
سوئی گیس بحران شدید ہوگیا، ایندھن کے متبادل ذرائع کے نرخ بھی بے قابو، ایل پی جی مافیا کی نان سٹاپ منافع خوری بھی جاری ہے۔ اوگرا کے مقرر کردہ نرخوں کی کھلے عام خلاف ورزی معمول بن گیا۔ انتظامیہ سرکاری نرخوں پر عملدرآمد کروانے میں بھی ناکام ہو گئی۔
واضح رہے کہ سردی کے اضافے کے ساتھ ہی ایل پی جی کی قیمتوں میں 50 سے 60 روپے فی کلو اضافہ کردیا گیا ہے. جب کہ حکومت اس پر کوکئی ایکشن نہیں‌لے رہی .