ملتان سلطانز کے187 رنز کے جواب میں لاہور قلندر کی پر اعتماد بلے بازی

ملتان سلطانز کے 187 رنز کے جواب میں لاہور قلندر کی پر اعتماد بلے بازی
باغی ٹی وی : ملتان سلطانز کے 187 رنز کے جواب میں لاہور قلندر کی پر اعتماد بلے بازی جاری ہے . صرف ایک وکٹ کے نقصان پر 122 رنز بنائے ہیں اور بارہ اوورز کا کھیل ہوا ہے . پی ایس ایل 5 میں آج کھیلے جانے والے میچ میں ملتان سلطانز نے لاہور قلندز کو جیت کے لیے 187 رنز کا ہدف دیا ہے۔لاہور قلندرز اور ملتان سلطانز کے درمیان میچ قذافی اسٹیڈیم لاہور میں کھیلا جارہا ہے۔

ملتان سلطانز کی جانب سے اننگز کا آغاز معین علی اور زیشان اشرف نے کیا، مگر اوپنر معین علی آغاز میں ہی لڑکھڑا گئے اور 5 بالوں پر صرف 1 رن بنا کر شاہین شاہ آفریدی کی گیند پر آؤٹ ہوگئے۔

زیشان اشرف بھی اچھی بیٹنگ کا مظاہرہ نہ کر سکے اور صرف 2 رنز بنا کر محمد حفیظ کا شکار بن گئے۔چار رنز پر دو کھلاڑیوں کے آؤٹ ہونے کے بعد کپتان شان مسعود اور روی بوپارہ نے اپنی ٹیم کا اسکور آگے بڑھایا، مگر شان مسعود 42 اور پوبارہ 33 رنز پر آؤٹ ہو گئے۔ اسد شفیق بھی ایک بال پر ایک رن بنا کر آؤٹ ہوگئے۔

روحیل نذیر نے 17 گیندوں پر 24 رنز کی اننگز کھیلی اور وہ بھی شاہین شاہ آفریدی کا شکار بنے تاہم خوشدل شاہ نے دھواں دھار بلے بازی کا مظاہرہ کرتے ہوئے 23 گیندوں پر اپنی ففٹی مکمل کی اور وہ 29 گیندوں پر 70 رنز بنا کر ناٹ آؤٹ رہے۔

ملتان سلطانز نے مقررہ 20 اوورز میں 6 وکٹوں کے نقصان پر 186 رنز بنائے اور قلندرز کو جیت کے لیے 187 رنز کا ہدف دیا۔لاہور قلندرز کے کپتان سہیل اختر نے ٹاس جیت کر پہلے بولنگ کا فیصلہ کیا اور سلطانز کو بیٹنگ کرنے کی دعوت دی تھی۔اس موقع پر کپتان سہیل اختر نے کہا کہ بولنگ اچھی کرنی ہو گی، امید ہے اچھا کھیلیں گے اور ملتان کی ٹیم کو ٹف ٹائم دیں گے۔