پنجاب کے شہر ملتان کے تھانہ راجہ رام ان کے علاقے چک سردار پور میں چوتھی جماعت کے طالب علم دس سالہ احسن عباس کو جنسی زیادتی کے بعد قتل کرنیوالے ملزم کو گرفتارکر لیا گیا
گزشتہ روز غلام عباس ولد منیر احمد نے پولیس تھانہ راجہ رام کو اطلاع دی اس کا دس سالہ بیٹا احسن عباس جو کہ چوتھی جماعت کا طالب علم ہے سکول گیا اور واپس نہ آیا ،10 سالہ احسن عباس کی تلاش شروع کر دی گئی۔ مساجد میں اعلانات کروائے گئے بچے کی تلاش کے لیے سرچ آپریشن جاری تھا کہ مغرب کے قریب ملک یاسین کی مکئی کی فصل سے 11 سالہ احسن عباس کی لاش ملی بچے کا گلہ کاٹ کر قتل کیا گیا تھا ،لاش کے ساتھ بدفعلی اور تشدد کے نشانات تھے۔ پولیس نے لاش کو پوسٹ مارٹم کے لئے ہسپتال بھجوا دیا ،وقوع کا مقدمہ نمبر 305/23 بجرم 302/376 ت پ تھانہ راجہ رام درج کیا گیا
سی پی او ملتان منصورالحق رانا نے وقوعہ کا نوٹس لیتے ہوئے اندھے قتل کو ٹریس کرکے وقوعہ میں ملوث ملزمان کو فوری گرفتار کرنے کے احکامات دیئے ایس ایس پی آپریشنز ملتان محمد عمران کی زیر نگرانی خصوصی ٹیم تشکیل دی گئی ،جس میں ایس پی صدر ڈویژن حسن رضا کھاکھی کی سربراہی میں ڈی ایس پی شجاع آباد غلام مرتضیٰ سیال اور ایس ایچ او راجہ رام عبدالصبور نے ملزمان کی تلاش شروع کر دی ،پولیس ٹیموں نے اپنی پیشہ ورانہ صلاحیتوں کا مظاہرہ کرتے ہوئے ہوئے وقوعہ کا باریک بینی سے جائزہ لیا۔ تمام شواہد اکٹھے کیے گئے اور جدید ٹیکنالوجی کی مدد سے ملزم کو ٹریس کر لیا گیا
پولیس نے وقوعہ میں ملوث ملزم کو گرفتار کر لیا ،گرفتار ملزم کی شناخت محمد شہباز ولد نذر حسین قوم نٹ سکنہ چک سردار پور سے ہوئی ملزم نے دوران تفتیش انکشاف کیا کہ وہ مالی کا کام کرتا ہے اور اس نے بچے کو سکول سے گھر جاتے ہوئے ورغلا کر مکئی کی فصل میں لے گیا اور جنسی زیادتی کا نشانہ بنایا زیادتی کے بعد اس نے بچے کے گلے پر چاقو پھیر کر قتل کر دیا ملزم سے آلہ قتل چاقو بھی برآمد کر لیا گیا ملزم کے خلاف مزید تفتیش جاری ہے
سی پی او ملتان منصور الحق رانا نے پریس کانفرنس کرتے ہوئے کہا کہ یہ جنسی زیادتی کے بعد قتل کا افسوسناک وقوعہ ہے ،زیادتی کے بعد اندھے قتل کو ٹریس کرنا پولیس کے لیے چیلنج تھا پولیس ٹیموں نے اپنی پیشہ ورانہ صلاحیتوں کا مظاہرہ کرتے ہوئے بہت کم وقت میں ملزم کو ٹریس کر کے گرفتار کر لیا
نگران وزیراعلیٰ پنجاب محسن نقوی نے شجاع آباد کے علاقے راجہ رام میں زیادتی کے بعد بچے کے قتل کے واقعہ کا نوٹس لے لیا اور ایڈیشنل انسپکٹر جنرل پولیس ساؤتھ پنجاب سے رپورٹ طلب کر لی -مقامی پولیس نے ملزم شہباز کوگرفتارکر لیا، ملزم نے اعتراف جرم کر لیا ہے-نگران وزیر اعلی محسن نقوی نے کہا کہ ملزم قانون کے تحت کڑی سزا سے نہیں بچ پائے گا۔گرفتار ملزم کے خلاف قانون کے مطابق مزید کارروائی عمل میں لائی جائے۔انہو ں نے کہا کہ مقتول بچے کے لواحقین کو انصاف کی فراہمی یقینی بنائی جائے گی اور انصاف کے تمام تقاضے پورے کئے جائیں گے۔نگران وزیر اعلی محسن نقوی نے افسوسناک واقعہ پر ورثاء سے دلی ہمدردی و اظہار تعزیت کیا اورانصاف کی فراہمی کی یقین دہانی کرائی-
معذور بچی کے ساتھ زبردستی گھناؤنا کام کرنیوالا ملزم گرفتار
20 سالہ لڑکی کو اغوا کر کے کیا گیا مسلسل دو روز گھناؤنا کام
بچوں سے زیادتی کے مجرموں کوسرعام سزائے موت ،علامہ ساجد میر نے ایسی بات کہہ دی کہ سب حیران
پیار کرنا بن گیا جرم،جوڑے کے گلے میں جوتوں کا ہار ڈال کرلگوایا گیا چکر
شادی کے بعد سسر کرتا رہا نئی نویلی دلہن کے ساتھ مسلسل گھناؤنا کام
