مودی سرکار اب کشمیریوں کو ایک اور بہکاوہ دینے کی کوشش میں
باغی ٹی وی : مقبوضہ کشمیر میں مودی سکار اب آئی پی ایل میچز کرانے جا رہی ہے یہ میچز جموں کے ایم اے اسٹیڈیم میں کھیلے جائیں گے۔کشمیری عوام کو بھارت سرکار ہرطرح کے دباؤ کے بعد اب کرکٹ بہکاوے میں لا کر اپنے لیے ہمدردی سمیٹنا چاہ رہے ہے، کیوں کہ وہ جبر و ظلم سے کشمیریوں کو دبانے میں بری طرح ناکام رہی ہے.
جموں و کشمیر کرکٹ ایسوسی ایشن نے 2020-21 کے سیزن میں جموں میں انڈین پریمیئر لیگ میچوں کی میزبانی کرنے کا ارادہ کیا ہے۔
گذشتہ ہفتے جموں کشمیر کرکٹ ایسوسی ایشن اور جے اینڈ کے اسٹیٹ اسپورٹس کونسل نے جموں کے ایم اے اسٹیڈیم میں میچز منعقد کرانے کے مفاہمت نامے پر دستخط کیے۔
ساؤتھ ایشین وائر کے مطابق جموں و کشمیر کے چیف سکریٹری کی منظوری کے بعد کرکٹ ایسو سی ایشن کے چیف ایگزیکٹو افسر سید عاشق بُخاری اور جے اینڈ کے اسٹیٹ اسپورٹس کونسل کے سکریٹری نسیم جاوید چوہدری نے اس مفاہمت پر دستخط کیے۔
جموں و کشمیر کرکٹ ایسو سی ایشن اس اسٹیڈیم کو بین الاقوامی کرکٹ کے معیار کا بنانے کی ذمہ داری دی گئی ہے۔ جے کے سی اے اسٹیڈیم میں پیشہ ورانہ معیار کی ٹرف وکٹیں تیار کرے گا اور وہ متبادل تبدیلیاں لائے گا جو کرکٹ اسٹیڈیم کے قواعد کے مطابق ہوں گی۔
ایم اے اسٹیڈیم جموں میں سب سے بڑا اسٹیڈیم ہے اور گذشتہ دو تین برس سے اس کی مرمت کی جا رہی ہے۔ اسٹیڈیم میں ترقیاتی کام تقریبا مکمل ہوچکے ہیں۔ رات کے دوران کرکٹ میچ کھیلنے کے لیے اسٹیڈیم میں فلڈ لائٹس لگائے گئے ہیں۔
کرکٹ ایسوسی ایشن کے حکام نے بتایا کہ ایسوسی ایشن اور کرکٹ شائقین کے لیے یہ ایک اہم کامیابی ہے۔ ہم آخر کار ایک ایسا مقام حاصل کرنے میں کامیاب ہوگئے ہیں جو بین الاقوامی معیار کو پورا کرے گا، یہ وہ مقام ہے جو بین الاقوامی سطح کے پیشہ ور میچوں کی میزبانی کرسکتا ہے۔
