اداکارہ مدیحہ افتخار نے قوت سماعت سے محروم لوگوں کو کورونا سے بچاؤ کے لیے اُن ہی کے انداز میں خصوصی پیغام دیا ہے کہا کہ کورونا وائرس سے بچاؤ ہمارے ہاتھ میں ہے
باغی ٹی وی : اداکارہ مدیحہ افتخار نے قوت سماعت سے محروم لوگوں کو کورونا سے بچاؤ کے لیے اُن ہی کے انداز میں خصوصی پیغام دیا ہے مدیحہ افتخار نے انسٹا گرام پر ایک ویڈیو شیئر کی جس میں انہوں نے قوت سماعت سے محروم لوگوں کو کورونا وائرس سے بچاؤ کا پیغام دیا ویڈیو میں انہوں نے آواز کے ساتھ اشاروں کی زبان میں آگاہی دیتے ہوئے کہا کورونا وائرس سے بچاؤ ہمارے ہاتھ میں ہے
https://www.instagram.com/p/B-HmJpFJinL/?igshid=c7e9fkj4q8q5
انہوں نے کہا کچھ احتیاطی تدابیر کرنے سے نہ صرف ہم خود کوبچا سکتےہیں بلکہ دوسروں کو بھی اس وبا سے بچا سکتے ہیں جس کے لیے ضروری ہے کہ ہم نہ کسی سے مصافحہ کریں اور نہ ہی کسی سے گلے ملیں، اپنی آنکھ، ناک اور منہ کو ہاتھ بالکل بھی نہ لگائیں
مدیحہ افتخار نے مزید کہا اگر آپ کو کھانسی زکام یا سانس لینے میں دشواری ہو رہی ہے تو فوراً اپنا طبی معائنہ کروائیں آئیے ہم سب مل کر ان احیتاطی تدابیر پر عمل کریں ہم سے ہے پاکستان
