اسلام آباد :اسلام آباد:F7مرکز میں غذرگلگت سےتعلق رکھنے والے درجہ حفظ کے 16 سالہ طالب علم کو جامعہ قاسمیہ کے مولانا عبدالکریم کےبھائی اوربھتیجوں نے معمولی تکرار پر چھریوں کے وارکر کے قتل کر دیا گیا۔باغی ٹی وی کی اطلاعات کے مطابق پولیس نے ابھی تک ملزمان کو گرفتار نہیں کیا۔وفاق المدارس العربیہ نے واقعہ کی شدید مذمت کرتے ہوئے کہا کہ اسلام آباد کے دینی مدرسہ کے طالبعلم کا قتل افسوس ناک ہے،واقعہ میں ملوث شرپسندعناصر کو فی الفور گرفتارکرکے قرار واقعی سزا دی جائے،جملہ علماء کرام ،وفاق المدارس اور مہتمم ادارہ سمیت ادارے کی انتظامیہ مظلوم خاندان کے ساتھ ہے،وقوعہ کے حقائق جانے بغیر کسی قسم کے پروپیگنڈہ کا شکارنہ ہوں ان خیالات کا اظہار وفاق المدارس العربیہ پاکستان کے ناظم مولانا قاضی عبدالرشید،مولانا ظہور احمد علوی،مولانا نذیر فاروقی،مولانا عبدالمجیدہزاروی،مولانا عبدالکریم،مولانا عبدالغفار،مولانامفتی عبدالسلام،مولانا عبدالقدوس محمدی،مولانا مفتی اویس عزیزاور دیگر نے اپنے ایک مشترکہ بیان میں کیا انہوں نے وقوعہ پر گہرے رنج وغم کا اظہار کرتے ہوئے اسے افسوس ناک اور قابل مذمت قرار دیا- علماء کرام نے مطالبہ کیا کہ وقوعہ میں ملوث عناصر کو فی الفور گرفتارکرکے قرار واقعی سزا دی جائے-علماء کرام نے کہا کہ دکھ کی اس گھڑی میں جملہ علماء کرام،وفاق المدارس ،مہتمم ادارہ سمیت مدرسہ کی انتظامیہ متاثرہ خاندان اور مظلوم کے ساتھ ہیں اور ان کی ہرممکن معاونت کررہے ہیں-علماء کرام نے واضح کیا کہ وقوعہ کے بارے میں جملہ حقائق سے اگاہی کے بغیر کسی قسم کے پروپیگنڈہ سے متاثر نہ ہوں-علماء کرام نے متاثرہ خاندان سے تعزیت کااظہار کرتے ہوئے شہید ہونے والے طالبعلم کے درجات کی بلندی اور پسماندگان کے لیے صبرجمیل کی دعا کی-
اسلام آباد دینی مدرسے کا طالب علم قتل, وفاق المدارس کی مذمت
Shares:
