معیشت کو دعوؤں سے بلندی پر نہیں پہنچایا جاسکتا،ثروت اعجاز قادری

سربراہ پاکستان سنی تحریک محمد ثروت اعجاز قادری نے کہا ہے کہ معیشت کو دعوؤں مستحکم یا بلندی پر نہیں پہنچایا جاسکتا،حکمران طبقہ بتائے معیشت مستحکم ہوئی ہے تو 3سال پہلے پوزیشن پر آٹا،چینی،گھی کی قیمتیں واپس نہیں آئی،موجودہ دور میں یہ تمام اشیائ ڈبل قیمتوں پر کیوں فروخت ہو رہی ہیں،معیشت کی بہتری کیلئے اچھے اقدام ہونا اور مثبت سمت کی طرف جانا اچھی بات ہے مگر عوام کو معاشی استحکام کے بہتر نتائج برآمد نہیں ہورہے جو غمازی کرتے ہیں معیشت میں خاطر خواہ بہتری نہیں آئی ہے،حکومت معیشت کے استحکام کیلئے مثبت کردار ادا کرئے بھرپور ساتھ دینگے،غریبوں کو مہنگائی کی دلدلنکالنے کیلئے کوحکومت کا ساتھ دینگے،پاکستان سنی تحریک چاہتی ہے کہ مہنگائی وبیروزگاری کا خاتمہ ہو اور ملک کے عوام خوشحال ہوجائیں،اب دعوؤں سے نہیں عملی طورپر کام کرکے غربت کو ختم کرنا ہوگا،ان خیالات کا اظہار انہوں نے مرکز اہلسنت پر نیو کراچی سے آئے ہوئے بزرگوں کے وفد سے گفتگو کرتے ہوئے کیا،ثروت اعجاز قادری نے کہا کہ دوئیواں کو قیمتیں آسمانوں سے بات کررہی ہیں،سرکاری ہسپتالوں میں غریبوں کو دوائیاں نہیں مل رہیں،سرکاری اسپتالوں میں غریبوں کو دوائیاں نہ ملنا سوالیہ نشان ہے،حکومت کی عوام کو اچھی تعلیم،صحت اور روزگار فراہم کرنے میں کارکردگی مایوس کن ہے۔