ماہیما چوہدری نے اپنے کیرئیر کے زوال کی وجہ بتادی

ماہیما چوہدری نے اپنی زندگی میں ہونے والے حادثے کے بارے میں بتاتے ہوئے کہا کہ اس حادثے نے ان کے کیریئر کو بہت نقصان پہنچایا۔ حادثے کے وقت انہیں ایسا محسوس ہوا تھا کہ اب وہ زندہ نہیں بچیں گی جس وقت حادثہ ہوا اس دوران ان کے پاس کئی فلمیں تھیں لیکن انہیں ان تمام فلموں سے ہاتھ دھونا پڑا۔

باغی ٹی وی : 1997 میں بالی ووڈ کنگ شاہ رخ خان کے ساتھ اپنی پہلی ہی فلم’پردیس‘ سےکروڑوں لوگوں کے دلوں میں گھر کرنے والی بالی ووڈ کی معروف اداکارہ ماہیما چوہدری ماضی میں نہایت خوفناک حادثے کاشکار ہوچکی ہیں جس کی وجہ سے نہ صرف ان کے چہرے پر گہرے زخم آئے تھے وہ موت کے منہ سے واپس آئیں تھیں بلکہ اس حادثے نے ان کے کیریئرکو بھی ختم کردیا تھا۔

حال ہی میں ایک انٹرویو کے دوران ماہیما چوہدری نے اپنی زندگی کےخوفناک حادثے کے بارے میں بتاتے ہوئے کہا میں اجے دیوگن اور کاجول کی پروڈکشن میں بننے والی فلم ’دل کیاکرے‘ میں کام کررہی تھی اور بنگلورو میں فلم کی شوٹنگ کے لیے اسٹوڈیو جاتے ہوئے اچانک ایک تیزرفتار ٹرک نے میری کار کو ٹکر ماری اور گاڑی میں سامنے لگاہوا شیشہ ٹوٹ کر میرے چہرے پر لگا۔

ماہیما چوہدری نےبتایا کہ اس وقت مجھے لگا میں مرجاؤں گی کسی نے بھی ہسپتال پہنچانے میں میری مدد نہیں کی اور مجھےبہت دیر بعد اسپتال پہنچایا گیا-

اداکارہ نے بتایا کہ ایکسیڈنٹ کی وجہ سے چہرے پر بہت گہرے زخم آئےتھے سرجری کے دوران ڈاکٹرز نے ان کے چہرے سے شیشے کے 67 ٹکڑے نکالے ماہیما نے کہا وہ آج بھی اس خوفناک حادثے کو یاد کرتے ہوئے جذباتی ہوجاتی ہیں۔

انہوں نے کہا اس حادثے کی وجہ سے ان کے چہرے پر کئی ٹانکیں آئے، انہیں گھر میں رہنا پڑا سورج کی روشنی سے بچنے کے لیے تاکہ چہرے پر زخموں کے نشانات باقی نہ رہیں میرے کمرے کو مکمل طور پر سیاہ کردیا گیا تھا۔ میں خود کو نہیں دیکھتی تھی میرے کمرے کوئی آئینہ نہیں تھا۔

ماہیما چوہدری نے بتایا کہ اس حادثے نے ان کے کیریئر کو بہت نقصان پہنچایا۔ جس وقت حادثہ ہوا اس دوران ان کے پاس کئی فلمیں تھیں لیکن انہیں ان تمام فلموں سے ہاتھ دھونا پڑا

بالی وڈ اداکارہ نے بتایا کہ میں نہیں چاہتی تھی کہ لوگوں کو میرے ساتھ ہوئے حادثے کے بارے میں پتہ چلے اگر میں اس وقت لوگوں کو اپنے ساتھ ہوئے حادثے کے بارے میں بتاتی تو وہ کہتے اوہ اس کا تو چہرہ خراب ہوگیا اب کسی اور کو فلموں میں سائن کرلو۔

ماہیما نے بتایا کہ جب آہستہ آہستہ ان کی خوداعتمادی بحال ہوئی تو اکشے کمار نے انہیں ’دھڑکن‘ فلم میں کام کرنے کی پیشکش کی جس کے بعد وہ مختلف فلموں میں مختصر کرداروں میں نظر آنے لگیں۔ تاہم حادثے کی وجہ سے ماہیما چوہدری کئی برسوں سے کسی فلم میں نظر نہیں آئیں لیکن اب انہوں نے شوبز میں واپسی کا فیصلہ کیا ہے اور وہ بالی ووڈ فلم ’تمہاری سلو‘ میں ودیا بالن کی طرح کا کردار اداکرنے کی خواہشمند ہیں۔

ریتک روشن اور کترینہ کیف بھارت میں سب سے زیادہ پسند کی جانے والی شخصیات کی فہرست میں پہلے نمبر پر