تازہ ترینکوئٹہ

ایران سے بجلی کا معاہدہ ہوگیا ،گوادر میں وزیراعظم نے دی ماہی گیروں کو خوشخبری

3 سال قبل
3 سال قبل

وزیراعظم شہبازشریف کی گواد رآمد ہوئی ہے

وزیراعظم شہباز شریف کو گوادر آمد پر اجلاس میں ترقیاتی منصوبوں اور امن و امان پر بریفنگ دی گئی، وزیر اعلیٰ بلوچستان عبدالقدوس بزنجو کا کہنا تھا کہ گوادرکی ترقی بلوچستان اورپاکستان کی ترقی ہے،گوادرکے مسائل کے حل اور منصوبوں کی تکمیل ہماراعزم ہے،صوبائی بجٹ میں گوادرکیلئے 1652 ملین رکھے گئے ہیں، گوادر کو پانی کی فراہمی کیلئے بھی بجٹ میں حصہ رکھا گیا ہے ،سرحدی علاقوں میں کمرشل مارکیٹس کاقیام عمل میں لایا جائیگا،

وزیراعظم شہباز شریف کا کہنا تھا کہ گوادرکی ترقی بلوچستان کی ترقی ہے میرایہ گوادر کا دوسرا دورہ ہے ،گوادرکے مسائل کو حل کرنے کے لیے پرعزم ہیں وفاقی حکومت بلوچستان کے مسائل حل کرنے کی خواہاں ہے ،خواہش ہے گوادر اور بلوچستان کے عوام کو منصوبوں سے فائدہ ہو ،حکمرانوں کا فرض ہے بلوچستان کے عوام کے مسائل اور تکالیف کم کریں ،بلوچستان اور گوادرکےبسنے والوں کے مسائل دل سے حل کریں گے جب تک گوادر کے مسائل حل نہیں ہوتے ترقی بے معنی ہوگی بلوچستان اورگوادر کے منصوبوں میں پیش رفت کا جائزہ لیا

گوادر کے ماہی گیروں کو کشتیوں کے لیے انجن دیں گے ماہی گیروں نے مسائل بتائیں جن کو ترجیحی بنیادوں پر حل کیا جائے گا،انجن کی تقسیم کے بعد مین ٹننس کی ذمہ داری کمپنی کی ہوگی،2ہزار کشتیوں کے انجن کی تقسیم میرٹ پر ہوگی ،ایران سے بجلی کا معاہدہ ہوگیا ہے ،منگل کو کابینہ میں سامنے لائیں گے،گوادر کے پانی کے پرانے پائپس تبدیل کردیئے جائیں گے 3ماہ میں انجن فراہمی کا عمل مکمل ہوجائے گا ،وفاقی وزیرترقی و منصوبہ بندی احسن اقبال نے گوادر کی ترقی کا پلان منگوایا ہے،پائپ لائنز کا کام رواں سال ستمبر میں مکمل ہوجائے گا ایران نے کہا پاکستان کی جانب سے منصوبے پر معاہدے میں تاخیر کی گئی 100میگاواٹ بجلی کا کام جلد مکمل کرلیا جائے گا،ستمبر میں پانی کی فراہمی شروع ہوجائے گی،بلوچستان کے لیے بجٹ میں 100ارب روپے رکھے گئے ،گوادریونیورسٹی پی ایس ڈی پی میں آچکی ہے ،جلد تعمیر مکمل کریں گے گوادر میں 100فیصد شفاف بڈنگ ہوگی ،بولی کے تحت سب اچھی کمپنیوں کو کام دیاجائے گا،

قبل ازیں گوادر دورے کے حوالہ سے سماجی رابطے کی ویب سائٹ ٹویٹر پر ٹویٹ کرتے ہوئے وزیراعظم شہباز شریف کا کہنا تھا کہ آج گوادرہ کا ایک روزہ دورہ کرنے جا رہاہوں گوادر میں ترقیاتی منصوبوں اور امن و امان پر بریفنگ لوں گا،ترقی بے معنی ہے اگر مقامی لوگوں کی زندگی میں بہتری نہ لاسکے گوادر میں ترقیاتی منصوبوں میں پیش رفت کا جائزہ لیں گے گوادر اسپتال کی مفاہمتی یاداشت پر دستخط کی تقریب میں شرکت کریں گے،

گوادر،غیر قانونی ماہی گیری بارے اجلاس میں ہوا بڑا فیصلہ

 بلاول بھٹو نے گوادر میں چینی شہریوں پر دہشت گرد حملے کی مذمت کی ہے

وزیراعظم کے دورہ گوادر سے قبل چیئرمین سی پیلک اتھارٹی کا خصوصی پیغام

دوسری جانب حکومت بلوچستان کے آفیشیل ٹویٹر اکاؤنٹ سے ایک ویڈیو شیئر کی گئی ہے جس میں کہا گیا ہے کہ وزیراعظم پاکستان میاں محمّد شہباز شریف کے ویژن اور وزیراعلی بلوچستان میر عبدالقدوس بزنجو کی قیادت میں گوادر کی ترقی کیلئے متعدد ترقیاتی منصوبوں پر تیز تر عملدرآمد جاری ہے.

ٹیگز:
Shares:

مزید خبریں