ماہرہ خان کی ملازمین کو تنخواہ کے ساتھ چھٹی دینے کی درخواست

اداکارہ ماہرہ خان نے مالکان سے ملازمین کوتنخواہ کے ساتھ چھٹی دینے کی درخواست کر دی

باغی ٹی وی :اداکارہ ماہرہ خان نے مالکان سے ملازمین کوتنخواہ کے ساتھ چھٹی دینے کی درخواست کر دی
پاکستان شوبز انڈسٹری کی معروف اداکارہ ماہرہ خان کورونا وائرس سے متعلق اپنے مداحوں سمیت عوام میں آگاہی پھیلانے میں وقتاً فوقتاً سوشل میڈیا پر پیغام دیتی نظر آ رہی ہیں

باغی ٹی وی :سماجی رابطے کی ویب سائٹ ٹویٹر پراداکارہ کی جانب سے ٹوئٹ کی گئی جس میں انہوں نے مالکان سے درخواست کرتے ہوئے لکھا کہ اگرآپ تعلیم یافتہ ہیں یا ایسے طاقت ورہیں کہ آپ بغیرکسی کام کے ایک ماہ گزارسکتے ہیں تو یہ لڑائی پھرکسی اورکے لیے نہیں بلکہ آپ کے لیے ہے

If you are educated, if you can survive a month without work or in a position of power/privilege then this battle is yours more than anyone else’s! We must take care of those who are not in our position – make them aware, give them paid leaves, make their life easy! #COVID2019

— Mahira Khan (@TheMahiraKhan) March 24, 2020

ماہرہ خان نے کہا اس صورتحال میں ہمیں ان لوگوں کا خیال رکھنا چاہیئے جوایسی طاقت نہیں رکھتے ہیں، انہیں آگاہی فراہم کریں انہیں اجرت کے ساتھ چھٹی دیں اوران کی زندگی آسان بنائیں

اداکارہ نے اس سے قبل ایک ٹویٹ میں عالمی ادراہ صحت کے کورونا وائرس کی بتائی ہوئی حفاظتی تدابیر شئیر کیں اور ایک ویڈیومیں کہا تھا کہ ہاتھوں کوباقاعدگی سے دھوئیں اورافراتفری نہ پھیلائیں یہ وقت ایک ذمہ دارشہری بننے کا اورایک دوسرے کا ساتھ دینے کا ہے انشااللہ ہم بہت جلد اس بحران سے باہرآئیں گے