پاکستان کی معروف اداکارہ ماہرہ خان کا شمار پاکستان شوبز انڈسٹری کی صف اول کی اداکاراؤں میں کیا جاتا ہے ان کے پاکستان سمیت ہمسایہ ملک میں لاکھوں کی تعداد میں مداح موجود ہیں ماہرہ خان کے ساتھ سب کام کر نے کے خواب دیکھتے ہیں لیکن کچھ ایسے اسٹارز بھی ہیں جن کے ساتھ ماہرہ کام کر نے کی خواہشمند ہیں۔
باغی ٹی وی : پاکستان کی مایہ ناز اور ورسٹائل اداکارہ ماہرہ خان کے کام کو نہ صرف پاکستان انڈسٹری بلکہ بالی وڈ انڈسٹری میں بھی قدر کی نگا ہ سے دیکھا جاتا ہے گزشتہ برس بالی وڈ کنگ شاہ رخ خان نے اپنے ایک انٹرویو کے دوران ماہرہ خان کو اداکارانہ صلاحیتوں سے بھرپور شخصیت بھی قراردیا تھا –
ماہرہ خان پاکستان کی وہ اداکارہ ہیں جن کے ساتھ لالی وڈ اور بالی وڈ سے لے کر ہالی وڈ تک ہر کوئی کام کرنا چاہتا ہے تاہم حال ہی میں نجی چینل کو انٹرویو دیتے ہوئےماہرہ خان نے پاکستان انڈسٹری کے ان اسٹارز کے نا مو ں سے پردہ اٹھا یا جن کے ساتھ وہ کا م کر نے کی خواہشمند ہیں۔
ما ہرہ خان نے بتا یا کہ وہ پاکستان شو بز انڈسٹری کے نامور اداکاروں نعمان اعجاز،ثانیہ سعید اور احسن خان کے ساتھ کام کر نا چاہتی ہیں۔اداکارہ نے مزید بتایا کہ وہ ٹی وی کے نو جوان اداکاروں جیسے سجل علی اور بلال عباس کے ساتھ بھی کام کرنا چاہتی ہیں۔
واضح رہے کہ ماہرہ خان نے اپنے کیریئر میں بہت سارے باصلاحیت اداکاروں کے ساتھ کام کیا، شاہ رخ خان سے لے کر فواد خان تک ،چونکہ ماہرہ خان نے خود کو ایک حقیقی سپر اسٹار کے طور پر ثابت کیا ہے لہذا یہی وجہ ہے کہ بالی وڈ ،لالی وڈاور ہالی وڈ کی بہت سی مشہور شخصیات ان کے ساتھ کام کرنے کی خواہشمند ہیں۔
Leave a reply
