پاکستان شوبز کی عالمی شہرت یافتہ اور صف اول کی اداکارہ ماہرہ خان نے اپنا پروڈکشن ہاؤس کھول لیا ہے-
باغی ٹی وی : اداکارہ ماہرہ خان کی جانب سے سوشل میڈیا ویب سائٹ نسٹاگرام پر ایک تصویر شیئر کی گئی ہے تصویر ان کے نئے منصوبے ( Soul Fry Film ) سے متعلق ہے۔
اداکارہ نے انسٹا گرام پر شیئر کی گئی تصویر کے ساتھ کیپشن درج کرتے ہوئے لکھا کہ ہر چیز کے پیچھے ایک کہانی ہوتی ہےاور میں کہانیوں کے لیے زندہ رہتی ہوں، انہیں سنتی ہوں اور سناتی ہوں۔
ماہرہ خان نے مزید لکھا کہ پروڈکشن میں اپنی پہلی بار قسمت آزمائی کو مداحوں سے شیئر کرنے پر گھبرائی ہوئی ہوں اور پرجوش بھی ہوں اس سفر میں نینا کاشف سے بہتر میرے پاس کوئی نہیں ہے۔
ماہرہ خان نے مزید لکھا کہ سول فرائی فلم میں آپ کو خوش آمدید ،آپ کا اور آپ کی کہانیوں کا ہمیشہ استقبال کیا جائے گا۔
