معروف اداکارہ ماہرہ خان کی شادی کی خبریں کافی دنوں سے گردش کررہی ہیں، سوشل میڈیا پر تو یہاں تک کہہ دیا گیا ہے کہ ستمبر میں اداکارہ کی شادی ہو گی اور صرف قریبی دوست اور فیملی ممبرز اس تقریب میںموجود ہوں گے. ماہرہ خان کی مینجر انوشے خان نے ان خبروں پر رد عمل دیتے ہوئے کہا ہے کہ بغیر تصدیق کئے کسی بھی خبر کو چلا دینا ایک غیر ذمہ دارانہ صحافت ہے . انہوں نے کہا کہ ماہرہ خان سے کسی نے بھی نہیں پوچھا اور خبر چلا دی. انوشے نے اس قسم کی خبروں کی تو مذمت کر دی لیکن انہوں نے یہ نہیں بتایا کہ یہ خبر سچ ہے یا جھوٹ.
ماہرہ خان کا نام معروف بزنس مین سلیم کریم کے ساتھ جوڑا جا رہا ہے، اور یہ نام مسلسل گزشتہ دو سال سے ماہرہ کے نام کے ساتھ جوڑا جا رہا ہے. یاد رہے کہ ماہرہ خان کی سلیم کریم کے ساتھ یہ دوسری شادی ہو گی، ”ان کی پہلی شادی 2007 میں ہوئی علی عسکری کے ساتھ ہوئی اور وہ شادی 2007 میں اختتام پذیر ہوگئی.” اس کے بعد ماہرہ خان نے اپنے کیرئیر کی بلندیوں کو چھوا اور آج وہ سپر ہٹ اداکارہ ہیں.
