وزیر اعلی خیبر پختونخوا محمود خان نے سابق عالمی سکواش چیمپئن جان شیر خان سے ٹیلی فونک رابطہ کیا اور ان کی خیریت دریافت کی ہے،
سابق عالمی چیمپئن نے گزشتہ دنوں دو سپائن سرجریز کروائی تھیں، سکواش کے نامور کھلاڑی ان دنوں وفاقی دارالحکومت اسلام آباد کے نجی ہسپتال میں زیر علاج ہیں، وزیر اعلی محمود خان نے جان شیر خان کے علاج معالجے کے اخراجات اٹھانے کا بھی اعلان کیا ہے، وزیراعلیٰ نے محکمہ کھیل خیبر پختونخوا کو اخراجات کی بروقت ادائیگی کی ہدایت کی ہے. وزیراعلیٰ محمود خان کا کہنا تھا کہ وہ عالمی چیمپئن جان شیر خان کی جلد صحت یابی اور بہتر صحت کیلئے دعاگو ہیں، ان کا کہنا تھا کہ جان شیر خان نے دنیا بھر میں پاکستان کا نام روشن کیا ہے،
وزیراعلیٰ خیبر پی کے نہا کہ عالمی چیمپئنز ہمارا سرمایہ ہیں جن پر قوم کو فخر ہے، خیبرپختونخوا حکومت کھیلوں کے فروغ اور کھلاڑیوں کی فلاح کیلئے کوشاں ہے، انہوں نے کہا کہ کھلاڑی امن کے سفیر ہیں انکی خدمات کو قدر کی نگاہ سے دیکھتے ہیں، جان شیر خان نے وزیر اعلی خیبر پی کے کی جانب سے نیک خواہشات اور مدد پر شکریہ ادا کیا ہے،
