سابق وزیراعظم نواز شریف کی صاحبزادی اور مسلم لیگ (ن) کی نائب صدر مریم نواز نے پنجاب میں مفت بجلی دینے کے اقدام پر تنقید کرنے والوں کو جواب دیا ہے۔سماجی رابطے کی ویب سائیٹ ٹویٹر اپنے بیان میں مریم نواز نے پی ٹی آئی قیادت کے اقدام پر ردعمل دیا اور کہا کہ پنجاب میں غریب کو مفت بجلی دینے کے احسن اقدام کو عدالتوں میں لے جانے کے بجائے خیبرپختونخوا میں مفت بجلی دیں۔
پنجاب میں غریب کو مفت بجلی دینے کے احسن اقدام کو عدالتوں میں لے جانے کی بجائے خیبر پختون خواہ کے ناداروں کوبجلی مفت فراہم کریں یا پھر خیبر پختون خواہ حکومت کو فتنہ خان کو پالنے کے لیے اور اسکا خرچ اٹھانے کے لیے رکھا ہوا ہے؟ محنت کریں، حسد نا کریں!
— Maryam Nawaz Sharif (@MaryamNSharif) July 5, 2022
مریم نواز نے استفسار کیا کہ خیبرپختونخوا کے ناداروں کو مفت بجلی نہیں دے رہے کیا صوبے کے وسائل فتنہ خان کو پالنے اور اُس کا خرچ اٹھانے کے لیے رکھ رکھے ہیں؟،مریم نواز نے پی ٹی آئی قیادت کا نام لیے بغیر طنز یہ انداز میں مشورہ دیا کہ محنت کریں، حسد نہ کریں۔
اس سے قبل پی ٹی آئی نے پنجاب کے عوام کو مفت بجلی کی فراہمی کے حکومتی اعلان کے حوالے سے سپریم کورٹ سے رجوع کیا ہے۔
گزشتہ روز وزیراعلیٰ حمزہ شہباز نے اعلان کیا تھا کہ 100 یونٹ بجلی استعمال کرنے والے غریب عوام کو مفت بجلی دی جائے گی اور مفت سولر پینل بھی دیا جائے گا۔انہوں نے کہا کہ پنجاب کو بحران سے نکالنے کے لیے وزیراعلیٰ کا فارمولا سیاسی فوائد کے لیے ہے، یہ فیصلہ عدالتی احکامات کی خلاف ورزی ہے کیونکہ عدالت نے انہیں کہا تھا کہ وزیراعلیٰ پنجاب 22 جولائی تک صرف ضابطے کے اختیارات استعمال کریں گے۔واد چوہدری نے مزید کہا کہ حمزہ شہباز کا مفت بجلی دینے کا پیکیج ایک جعلی پیکیج ہے، اس کا مقصد عدالت سے حاصل ریلیف کو سیاسی فائدے کے لیے استعمال کرنا ہے۔
علاوہ ازیں پنجاب اسمبکی کے اجلاس میں اظہار خیال کرتے ہوئے ودھری سمیع اللہ نے کہا کہ پی ڈی ایم بنارسی ٹھگوں کا گروہ ہے،واپڈا پنجاب کے اختیارات میں نہیں آتا،یہ انتخابی الیکشن کمیشن اصولوں و ضابطہ اخلاق کئ خلاف ورزی کررہے ہیں، سو یونٹ والا ڈرامہ ہے ریڈنگ چالیس دن پر ہے جائیں گے تو کسی کا بھی سو یونٹ نہیں ہوگا،لوگوں کو سو یونٹ پر بے وقوف بنا رہی ہے، حکومت نےسپریم کورٹ میں جو حلف دیا اس کی مسلسل خلاف ورزی کررہی ہے، لوٹوں کےلئے فنڈز کے خزانے کھول دئیے ہیں،ہمیں سب کو ٹوکن احتجاج سپریم کورٹ کے باہر احتجاج کرنا چاہیے کہ حکومت مسلسل خلاف ورزی کررہی ہے.
