میں اب کبھی پی آئی اے پر سفر نہیں کروں گی کیونکہ اس کو سفارشی ٹولا چلا رہا ہے ماہین خان
پاکستان کی معروف فیشن ڈیزائنر ماہین خان نے کہا ہے کہ اب میں دوبارہ پھر کبھی ان کے طیاروں پر سفر نہیں کریں گی کیونکہ پاکستان انٹرنیشنل ایئرلائنز (پی آئی اے) کو سفارشی ٹولا چلا رہا ہے-
باغی ٹی وی : پاکستان کی معروف فیشن ڈیزائنر ماہین خان نے سماجی رابطے کی ویب سائٹ ٹویٹر پر اپنی ٹویٹ میں لکھا کہ گزشتہ 30 سال میں پی آئی اے میں سیاسی بھرتیاں کی گئیں اور اپنے ہی رشتہ داروں کو ملازمتیں دی گئیں۔
For over 30 years jobs have been given in PIA to political favourites or their relatives .Shocking that a airline is run by "sifarashies." Shameful disregard for lives alive or not as seen in the way the bereaved families are being treated after the crash
— Maheen Khan (@Maheenkhanpk) June 1, 2020
انہوں نے لکھا کہ وہ حیران ہیں کہ کس طرح پی آئی اے کو سفارشی ٹولے کے ذریعے چلایا جا رہا ہے۔
انہوں نے کراچی میں ہونے والے پی آئی اے کے طیارہ حادثے پر بات کرتے ہوئے لکھا کہ یہ نہایت شرمناک بات ہے کہ حادثے میں چلے جانے والے افراد کے اہل خانہ کے ساتھ برا سلوک کیا جا رہا ہے۔
I'm never flying @Official_PIA again .
— Maheen Khan (@Maheenkhanpk) June 1, 2020
فیشن ڈایزائنر نے اپنی ایک اور ٹویٹ میں اعلان کیا کہ اب وہ دوبار پی آئی اے کے طیاروں میں کبھی بھی سفر نہیں کریں گی۔
ماہین خان نے کراچی طیارہ حادثے میں جاں بحق ہونے والے ایک شخص کی بہن کی ویڈیو بھی اپنے ٹویٹر اکاؤنٹ پر شئیر کی ، جس میں وہ اپنے بھائی کی لاش وصول کرنے میں درپیش مشکلات پر بات ک رہی ہیں۔
Shame ! Shame @Official_PIA Shame @SindhCMHouse Shame Federal government https://t.co/i7lUTE503W
— Maheen Khan (@Maheenkhanpk) June 1, 2020
ویڈیو میں خاتون نے کہا کہ پی آئی اے طیارے میں ان کے بھائی مرزا وحید شاہ بیگ بھی سوار تھے اور انہیں حادثے کا علم خبروں کے ذریعے ہوا تھا۔
خاتون نے کہا کہ پی آئی اے نے اس حوالے سے کوئی بھی ہیلپ ڈیسک قائم نہیں کیا اور نہ ہی اس بات کا خیال رکھا جا رہا ہے کہ جن کے پیارے حادثے میں چلے گئے ان کے غمزدہ لواحقین کے ساتھ کس طرح بات کی جانی چاہیے۔
خاتون کے مطابق پی آئی اے انتظامیہ کی جانب سے مدد تو دور کی بات بلکہ وہ لواحقین کے عزیزوں سے بدتمیزی سے پیش آ رہے ہیں اور رشتہ داروں کی جانب سے کوئی بھی سوال پوچھے جانے پر پی آئی اے انتظامیہ ان کے ساتھ نامناسب انداز میں بات کر رہے ہیں۔
یہ ویڈیو شئیر کرتے ہوئے ماہین خان نے بھرپور غصے کا مظاہر کیا اور پی آئی اے اور فیڈرل گورنمنٹ کو شدید تنقید کا نشانہ بنایا-
No magic wand can reform #PIA .it is so seriously termite infested one day it will crumble away by itself https://t.co/QSep5hOPd2
— Maheen Khan (@Maheenkhanpk) June 1, 2020
ماہین خان ایک اور ٹویٹ میں پی آئی اے کو تنقید کا نشانہ بناتے ہوئے لکھا کہ کوئی جادوئی چھڑی پی آئی اے کی اصلاح نہیں کرسکتی ہے .یہ ایک دن اتنی سنجیدگی سے دیمک کی طرح خود ہی ٹوٹ جائے گی
واضح رہے کہ 22 مئی 2020 کو جمعۃ الوداع کی دوپہر کو لاہور سے کراچی جانے والا پی آئی اے کا طیارہ اے 320 ایئربس کراچی کے جناح انٹرنیشنل ایئرپورٹ کے قریب آبادی پر گر کر تباہ ہوا تھا۔
طیارے میں 99 مسافرین اور عملے کے ارکان سوار تھے، جس میں سے 97 افراد جاں بحق ہوگئے تھے جب کہ 2 مسافر معجزانہ طور پر بچ گئے تھے
طیارہ حادثے میں جاں بحق ہونے والی ادکارہ و ماڈل زارا عابد کی پہلی شارٹ فلم ریلیز
