میں بہت اچھی شیف ہوں عفت عمر

سپر ماڈل کا خطاب پانے والی عفت عمر نے اداکاری کے میدان میں بھی اپنی صلاحیتوں کا لوہا منوایا ، آج کل وہ سیاست میں‌کافی دلچپسی لیتی ہوئی نظر آتی ہیں، انہوں نے اپنے حالیہ انٹرویو میں‌کہا ہے کہ ہمارے ملک میں یہ مسئلہ ہے کہ جو جس کا کام ہے اسکو کرنے نہیں دیا جاتا ، انہوں نے کہا کہ عمران خان نے قوم کے چار سال برباد کئے ہیں، خدا کے لئے ایسے تجربات ملک کے ساتھ دوبارہ نہیں ہونے چاہیں، انہوں نے کہا کہ میاں نواز شریف ملک کو چلانے کا ہنر جانتے ہیں ، آصٍف علی زرداری بھی ملک چلانا جانتے ہیں یہ سب تجربہ کار سیاستدان ہیں ان کو ملک چلانے دیا جائے.

انہوں نے ایک سوال کے جواب میں کہا کہ ”خواتین معاشی طور پر خود مختار ہونا چاہیے ”یہ وقت کی اہم ضرورت ہے.انہوں نے کہا کہ مجھے کھانے میں سب کچھ پسند ہے لیکن تھائی فوڈ کی دیوانی ہوں، میں خود بہت اچھا کھانا بناتی ہوں میں دعوے سے کہتی ہوں کہ مجھ سے اچھا کھانا کوئی نہیں‌بناتا. انہوں نے کہا کہ عورت کی حقیقی آزادی یہ ہے کہ اسکو اسکی مرضی کے مطابق زندگی گزارنے دی جائے. عفت عمر نے یہ بھی کہا کہ عورت کو چاہیے کہ وہ اپنی بیٹیوں کو بھی خود مختار اور بااعتماد بنائے تاکہ کل کو اگر کوئی مشکل آن پڑے تو وہ اپنے پائوں پر کھڑی ہو سکے.

ہمارے ہاں اچھا کام کرنے والوں کی تعریف نہیں کی جاتی راحت فتح علیخان

میری دونوں شادیاں زیادہ نہ چل سکیں زیبا بختیار کا دبنگ انٹرویو

آج کے دور میں چہرہ شناسی آسان کام نہیں ہے عائشہ عمر