سیالکوٹ،باغی ٹی وی (بیوروچیف شاہدریاض)ایف آئی اے کی کارروائی، لیبیا کشتی حادثے کا مرکزی ملزم دوبارہ گرفتار
سیالکوٹ میں ایف آئی اے گوجرانوالہ نے خفیہ اطلاع پر کارروائی کرتے ہوئے سیالکوٹ کے نواحی علاقے موریکے ججہ سے انسانی اسمگلنگ میں ملوث انتہائی مطلوب ملزم عثمان ججہ کو گرفتار کر لیا۔
عثمان ججہ عالمی سطح پر انسانی اسمگلنگ کا ریکٹ چلاتا تھا اور یونان کشتی حادثہ سمیت 12 مختلف مقدمات میں ایف آئی اے کو مطلوب تھا۔ یونان حادثے میں چالیس پاکستانی جاں بحق ہوئے تھے۔
حادثے کے وقت عثمان ججہ سیالکوٹ جیل میں قید تھا تاہم بعد میں ضمانت پر رہا ہو کر روپوش ہوگیا۔ ایف آئی اے ذرائع کے مطابق وہ گلگت بلتستان میں چھپا ہوا تھا اور بیمار والدہ سے ملاقات کے لیے آیا تھا جہاں اسے گرفتار کر لیا گیا۔
