مائرہ خان موت کے منہ سے کیسے واپس آئیں ؟‌

ٹی وی کی معروف اداکارہ مائرہ خان جو کہ اپنے مزاج کے مطابق کام کرتی ہیں انہوں نے حال ہی میں ایک ٹی وی انٹرویو دیا ہے جس میں انہوں نے بتایا ہے میری زندگی میں دو خطرناک حادثے ہوئے جن کے دوران مجھے لگا کہ میں بس مرنے والی ہوں اور میرا آخری وقت آن پہنچا ہے. مائرہ خان نے کہا کہ ایک بار میں سوات میں شوٹنگ کررہی تھی وہاں میری گاڑی کی بریک اس وقت فیل ہوئی جب میری گاڑی پہاڑی اور کھائی کے درمیان تھی ، اس وقت جو حالت تھی مجھے ایسا لگا کہ میں مرنے لگی ہوں اب زندہ بچنے کا کوئی امکان نہیں ہے. اسی طرح سے

سوات کے قبرستان میں شوٹنگ کررہی تھی وہاں مجھے ایک خطرناک بچھو نے کاٹ لیا تھا میری حالت غیر ہوئی تو مجھے ہسپتال لیجایا گیا جہاں جا کر پتہ چلا کہ مجھے تو خطرناک بچھو نے کاٹ لیا ، میرا سانس بند ہونے لگا تھا ، میں نے سوچ لیا کہ میرا یہ آخری وقت ہے اب زندہ بچنے کی امید نہیں ہے لیکن خدا نے مجھے دونوں خطرناک حادثوں سے بچا لیا. انہوں نے کہا کہ میرا ایمان ہے کہ جب تک زندگی ہے اللہ تعالی کی ذات انسان کی حفاظت خود فرماتی ہے .