میجر ندیم اور دیگر نوجوانوں کی شہادت کا بدلہ لیں گے جمال خان رئیسانی
گذشتہ روز تربت میں بڑی دہشتگردی،میں میجر ندیم سمیت6 جوان وطن پر قربان ہو گئے تھے جس پر شہید سراج رئیسانی کے بیٹے نوابزادہ جمال خان رئیسانی نے افسوس کا اظہار کیا
باغی ٹی وی : گذشتہ روز بلوچستان کے علاقہ تربت میں شرپسند عناصر کی طرف سے دہشت گردی کی ایک کارروائی میں ایک میجر سمیت پاک فوج کے 6 جوان شہید ہو گئے دہشتگردوںنے پاک فوج کے جوانوںکو آئی ای ڈی کا نشانہ بنایا. یہ واقعہ جمعہ کے روز تربت میںپیش آیا جو بلوچستان کے ساحلی شہر گوادر کے قریب واقع ہے
اطلاعات کے مطابق دہشت گردوں نے یہ کارروائی کوہ مراد کے علاقہ میں کی. جس کے نتیجہ میں میجر ندیم عباس بھٹی سمیت 6 فوجی جوان شہید ہو گئے. ڈی جی آئی ایس پی آر کے مطابق یہ جوان ایف سی کے ایک قافلے کے ساتھ کیچ میں پٹرولنگ کے بعد واپس آ رپے تھے کہ ان کو ریموٹ کنٹرولڈ آئی ای ڈی سے نشانہ بناگیا گیا جس کے نتیجہ میں میجر ندیم بھٹی سکنہ حافظ آباد، نائیک جمشید سکنہ میانوالی، لانس نائیک تیمور سکنہ تونسہ شریف، لانس نائیک خضر حیات سکنہ اٹک، سپاہی ساجد سکنہ مردان اور سپاہی ندیم سکنہ تونسہ شریف شہید ہو گئے. ایک جوان زخمی بھی ہوگیا تھا
ایف سی بلوچستان سے تعلق رکھنے والے میجر ندیم کی شہادت کی خبر بہت افسوسناک ہے، ہم بلوچ عوام نے ستر سالوں سے قربانیاں دی ہیں اور ہماری حفاظت کیلئے قربانی دینے والے ہماری نگاہ میں بہت اہمیت رکھتے ہیں۔ میجر ندیم کی شہادت پر پوری بلوچ قوم غمزدہ ہے۔ انشاللہ ہم خود اس کا بدلہ لیں گے
— Nawabzada Jamal Khan Raisani (@SonOfShaeed) May 8, 2020
پاک فوج کے نوجوانوں اور میجر ندیم عباس بھٹی کی شہادت پر شہید سراج رئیسانی کے بیٹے نوابزادہ جمال خان رئیسانی نے افسوس کا اظہار کرتے ہوئے سوشل میڈیا ویب سائٹ ٹویٹر پر لکھا کہ ایف سی بلوچستان سے تعلق رکھنے والے میجر ندیم کی شہادت کی خبر بہت افسوسناک ہے، ہم بلوچ عوام نے ستر سالوں سے قربانیاں دی ہیں اور ہماری حفاظت کیلئے قربانی دینے والے ہماری نگاہ میں بہت اہمیت رکھتے ہیں۔ میجر ندیم کی شہادت پر پوری بلوچ قوم غمزدہ ہے۔ انشاللہ ہم خود اس کا بدلہ لیں گے
وطن پر قربان ہونے والے شہدا کو پوری قوم۔کا سلام pic.twitter.com/YaE6aCix1j
— Ayesha (@Ayesha701900053) May 9, 2020
تربت میں شرپسند عناصر کی طرف سے دہشت گردی کی کاروائی میں شہید ہونے والے پاک فوج کے نوجوان
واضح رہے کہ حافظ آباد سے موصولہ اطلاعات کے مطابق میجر ندیم عباس بھٹی کا تعلق پنجاب کے ضلع حافظ آباد کے ایک نامور سیاسی خاندان سے ہے. وہ سابق ضلعی ناظم مبشر عباس بھٹی کے بھائی،تحریک انصاف کے ایم این اے چوہدری شوکت علی بھٹی کے چچا زاد اور سابق ایم این اے چوہدری مہدی حسین بھٹی کے بھتیجے تھے. شہید میجر ندیم عباس بھٹی نے بیوہ، دو بیٹے اور ایک بیٹی سوگوار چھوڑی ہے. شہید میجر ندیم بھٹی 2 نومبر 1984ء کو پیدا ہوئے، انہوں نے 14 اپریل 2007 کو پاک فوج میں کمیشن حاصل کیا اور وہ 126 ونگ مکران میں تعینات تھے. ان کی نماز جنازہ آج یعنی بروز ہفتہ صبح ساڑھے 9 بجے برج دارا میں ادا کر دی گئی ہے
