اسٹیج اور فلم ڈائریکٹر ڈاکٹر اجمل ملک کی رہائش گاہ پر محرم الحرام کے سلسلہ میں نیاز کا اہتمام

اسٹیج اور فلم ڈائریکٹر ڈاکٹر اجمل ملک کی رہائش گاہ پر محرم الحرام کے سلسلہ میں نیاز کا اہتمام کیا گیا۔اس موقع پر فلم اور ٹی وی آرٹسٹوں نے شرکت کی۔جن میں فلم ڈائریکٹر شاہد رانا ،جونی ملک،سیف علی خان،ندیم چٹا،توقیر زیدی،پرویز خان،اشفاق چوہدری،ندیم چوہدری،بلال احمد،عقیل حیدر،منور دیوانہ ،اظہر نشیی اور دیگر شامل تھے۔اس موقع پر ڈاکٹر اجمل ملک نے کہا کہ محرم الحرام کا مہینہ ہمیں واقعہ کربلا کی یاد دلاتا ہے اور اس بات کا درس دینا ہے کہ اسلام زندہ ہوتا ہے ہر کربلا کے بعد. اس ماہ مقدس میں ہمیں آپسی نفرتوں کو دور کرلینا چاہیے اور بھائی چارے سے رہنا چاہیے۔اس مہینے میں ﷲتعالیٰ نے حضرت آدم علیہ السلام کی توبہ قبول فرمائی۔ حضرت نوح علیہ السلام کی کشتی طوفان نوح کے بعد جودی نامی پہاڑ کے قریب آکر ٹھہری ۔ حضرت یوسف علیہ السلام کو اس مہینے میں قید سے نجات حاصل ہوئی۔حضرت ایوب علیہ السلام کو طویل بیماری کے بعد شفا نصیب ہوئی۔

”حضرت یونس علیہ السلام کو مچھلی کے پیٹ سے نجات ملی”۔ حضرت موسیٰ علیہ السلام اور بنی اسرائیل کو فرعون اور آل فرعون سے اس طرح نجات ملی کہ ﷲتعالیٰ نے فرعون سمیت اس کی فوجوں کو بحیرہ قلزم میں غرق کردیا ۔حضرت عیسیٰ علیہ السلام کو زندہ آسمان پر اُٹھا لیا گیا۔مندرجہ بالا تمام واقعات کا تعلق دین اسلام کی آمد سے قبل سےہے اور تاریخی کتابوں سے بھی یہ بات معلوم ہوتی ہے کہ یہ تمام واقعات محرم الحرام کی دسویں تاریخ جسے عاشوراء یا عاشورۂ محرم کے نام سے بھی یاد کیا جاتا ہے، کو پیش آئے تھے۔

سجل علی نے چائلڈ لیبر کے خلاف آواز بلند کر دی

ہرتیک روشن نے اداکاری کو خیرباد کہنے کا کیوں سوچا ؟‌

وکی کوشل نے کترینہ کیف کا مقابلہ ہیما مالنی اور ریکھا سے کر دیا