مالی، دہشت گردوں کے ساتھ جھڑپ میں کتنے فوجی مارے گئے ، جانئے اس رپورٹ میں
![](https://baaghitv.com/wp-content/uploads/2019/10/mali_military.jpeg)
مالی میں برکینا فاسو سرحد کے قریب دہشت گردوں کے ساتھ جھڑپ میں کم از کم 25 فوجی ہلاک اور کئی زخمی ہوگئے۔مالی کی حکومت نے واقعہ کی تصدیق کر دی ہے۔
مالی کی وزارت مواصلات کے سرکاری بیان کے مطابق ”مالی کی مسلح افواج کے 25 جوان مارے گئے جبکہ چار دیگر زخمی ہوگئے“۔
واضح رہے کہ مالی اور برکینا فاسو کی فوج نے دہشت گردوں کو ختم کرنے کے لیے مشترکہ طور پرایک مہم شروع کی ہے۔ اس مہم کے دوران فضائی حملوں میں کم از کم 15 دہشت گرد مارے گئے جبکہ پانچ گاڑیوں کو تباہ کیاگیا۔
بین الاقوامی نیوز ایجنسی کے مطابق دہشت گردوں نے برکینا فاسو سرحد کے قریب دو فوجی چوکیوں پر حملہ کیا۔ مسلح افواج نے دوبارہ چوکی پر قبضہ واپس لے لیا ہے۔