قومی احتساب بیورو (نیب) راولپنڈی نے احتساب عدالت کے احکامات پر عمل درآمد کرتے ہوئے بحریہ ٹاؤن فیز 7 میں ملک ریاض کی ملکیتی جائیداد کو سیل کر دیا ہے۔ نیب کی اس کارروائی کا مقصد کرپشن کے خلاف قانونی کارروائیوں کو مزید مؤثر بنانا اور ملک میں احتساب کا عمل تیز کرنا ہے۔
نیب کی اس کارروائی کی قیادت ایڈیشنل ڈائریکٹر علی محمد نے کی، جبکہ ان کے ہمراہ کرنل (ر) محمد رفیق اور دیگر افسران بھی موجود تھے۔ نیب کی ٹیم نے بحریہ ٹاؤن فیز 7 کے مختلف جائیدادوں پر کنٹرول سنبھال لیا اور وہاں سرکاری نوٹسز چسپاں کیے۔ ان نوٹسز میں عوام کو مطلع کیا گیا کہ یہ اثاثے اب نیب کی تحویل میں ہیں اور ان جائیدادوں کا کوئی بھی لین دین اب نیب کے اختیار میں ہے۔نیب نے جن جائیدادوں کو سیل کیا ہے، ان میں ارینا سینما، بحریہ ٹاؤن انٹرنیشنل اکیڈمی، اور روبیش مارکی شامل ہیں۔ نیب کی جانب سے جاری کیے گئے نوٹسز میں واضح طور پر کہا گیا ہے کہ ان جائیدادوں کی خرید و فروخت کے تمام قانونی حقوق اب نیب کے پاس ہیں، اور ان جائیدادوں کے کسی بھی قسم کے لین دین کا اختیار صرف نیب کے پاس ہوگا۔
نیب حکام کا کہنا ہے کہ ان جائیدادوں کو سیل کرنے کا اقدام احتساب عدالت کے احکامات کے مطابق کیا گیا ہے اور اس عمل میں تمام قانونی تقاضے پورے کیے گئے ہیں۔نیب کے اس اقدام کو کرپشن کے خاتمے کے لیے اہم قدم قرار دیا جا رہا ہے، اور یہ عمل ملک میں احتساب کے عمل کو مزید مضبوط کرنے کے لیے ضروری سمجھا جا رہا ہے۔
ملک ریاض کے خلاف کارروائی،بحریہ ٹاؤن کی جائیداد سیل
ملک ریاض کی راولپنڈی میں جائیداد سرکاری تحویل میں لے لی گئی
