سرگودھا:صوبائی وزیر مواصلات و تعمیرات ملک صہیب احمد برتھ نے ماڈل بازار کا دورہ کیا

سرگودھا،باغی ٹی وی ( ادریس نواز چدھڑ سے ) صوبائی وزیر مواصلات و تعمیرات ملک صہیب احمد برتھ نے ماڈل بازار کا دورہ کیا

تفصیلات کے مطابقحکومت پنجاب وزیراعلیٰ پنجاب مریم نواز شریف کے ویژن کے مطابق نگہبان رمضان پروگرام میں عوام الناس کو اشیاء ضروریہ کی فروخت کو سستے داموں اور سرکاری نرخ کے مطابق فروخت کروا رہی ہے ۔ جبکہ گرانفروشی اور مصنوعی مہنگائی کے خلاف بھرپور کریک ڈاؤن صوبہ بھر میں جاری ہے ۔

ان خیالات کا اظہار صوبائی وزیر مواصلات و تعمیرات پنجاب ملک صہیب احمد برتھ نے ماڈل بازار بھیرہ میں انتظامات کا جائزہ لیتے ہوئے کیا ۔ اس موقع پر اسسٹنٹ کمشنر حاکم خان، سی ای او بھیرہ انیس عباس اور پرائس کنٹرول مجسٹریٹ بھیرہ بھی ان کے ہمراہ تھے –

صوبائی وزیر مواصلات و تعمیرات ملک صہیب احمد برتھ نے ماڈل بازار میں لگے اشیاء ضروریہ کے سٹال کا جائزہ لیا اور پھلوں اور سبزیوں کے معیار اور قیمتوں کو چیک کیا ۔

صوبائی وزیر ملک صہیب برتھ نے انتظامیہ کو ہدایت کی کہ ماڈل بازار میں آنے والے ہر شہری کو حکومت کے مقرر کردہ ریٹس کے مطابق ریلیف فراہم کریں اور اس بات کو یقینی بنائیں کہ کوئی بھی دکاندار ان سے گرانفروشی و منافع خوری نہ کرے ۔

انہوں نے اسسٹنٹ کمشنر بھیرہ کو بھی ہدایت کی کہ وہ بازار میں تعینات سٹاف کی روزانہ کی بنیاد پر مانیٹرنگ کریں –