ملنگا اپنا آخری ون ڈے 26 جولائی کو کھیلیں گے

لاہور  : سری لنکن فاسٹ بولر لیستھ ملینگا 26 جولائی کو اپنا آخری ون ڈے میچ کھیلیں گے

سری لنکا کے معروف رائٹ آرم فاسٹ بولر میلنگا 26 جولائی کو کولمبو کے پریما داسا اسٹیڈیم میں اپنا آخری ون ڈے میچ کھیلیں گے اور کپتان کرونا رتنے نے بھی ان کی ریٹائرمنٹ کی تصدیق کردی ہے.

باغی ٹی وی کی رپورٹ کے مطابق 225 میچز کھیلنے والے میلنگا کو سری لنکا کی جانب سے سب سے زیادہ  335 وکٹ حاصل کرنے کا اعزاز حاصل ہے۔ ان کا نام بنگلا دیش کے خلاف سیریز کے لیے اعلان کردہ ٹیم میں شامل کیا گیا ہے۔

یاد رہے میلنگا ٹی ٹوئنٹی کے کپتان ہیں اور ٹی ٹوینٹی کرکٹ کھیلتے رہیں گے اور اس بات کے بھی امکانات ہیں کہ وہ اگلے سال آسٹریلیا میں شیڈول ٹی ٹوئنٹی ورلڈکپ کھیل کر ہر قسم کی کرکٹ سے ریٹائر ہو جائیں گے۔