معلوم ہے پی ٹی ایم کی لیڈر شپ کا این ڈی ایس سے کیا تعلق ہے؟ فوج کو گالی دیکر اپنی نااہلی مت چھپائیں. مراد سعید

پی ٹی آئی حکومت کے وزیر مراد سعید نے کہا ہے کہ فوج کو آپریشن کے لیے 2009 میں پیپلزپارٹی اور 2014 نون لیگ کی حکومت نے بلایا تھا. فوج نے علاقہ کلیر کر کے دیا، ڈی ویلپمنٹ آپ نے کرنی تھی. آپ نے ہسپتال بنائے نہ اسکول کالج اور نہ ہی سڑکیں لیکن گالی فوج کو دے رہے ہیں.

باغی ٹی وی کی رپورٹ کے مطابق قومی اسمبلی میں خطاب کرتے ہوئے انہوں نے کہاکہ ڈرون حملوں کا سب سے بڑا حمایتی محسن داوڑ تھا. اپنی نااہلیوں کو فوج پر گالیاں بک کر نہیں چھپایا جا سکتا. اس آپریشن میں میرا بھی گھر جلا ہے. میری ماں کو گولی لگی میرا بھائی زخمی ہوا. محسن داوڑ، علی وزیر اور منظور پشتین تب کہاں تھے جب ہم ڈرون حملوں اور نیٹو سپلائی کے خلاف نکلتے تھے؟ کیا یہ ہماری مخالفت نہیں کرتے تھے؟

انہوں نے کہاکہ چارسدہ یونیورسٹی پر حملہ آور کا موبائل افغانستان سے آپریٹ ہوا. حملہ آور افغانی تھا. مگر جب بھی باڈر کو محفوظ کرنے کی بات ہوئی یہ پی ٹی ایم اور اے این پی مخالفت پر آ گئی. افغانیوں کو 25 ہزار جعلی شناختی کارڈ اچکزئی صاحب نے بنوا کر دیے. اپنے ووٹ کے چکر میں پختونوں کو خون میں نہلایا. اسی شناختی کارڈ پر پاکستان آنے والے دہشت گردی میں ملوث ہوئے.

انہوں نے کہاکہ منظور پشتین کا این ڈی ایش چیف کے ساتھ کیا تعلق ہے. این ڈی ایس نے کب کب اور کیسے مدد کی فلور پر آ کر بتائیں. ورنہ میں پورے کا پورا ایکسپوز کروں گا. پشتونو! ہمارے علاقے میں امن آ گیا خوشحالی آ رہی ہے. یہ راء اور این ڈی ایس کے دشمن اسے دوبارہ جلانا چاہتے ہیں. قائد اعظم کا پاکستان لا الہ الا اللہ والا پاکستان ہے. سندھی پنجابی بلوچی پٹھان والا نہیں. آئین پاکستان پر حلف لے کر لسانیات کی بات کرنا آئین کی توہین ہے.

مراد سعید نے کہاکہ بلاول صاحب ابو سے پوچھیں راؤ انوار کس کا بہادر بچہ تھا؟ پی ٹی آئی وزیر کے زبردست خطاب پر اپوزیشن کی طرف سے شور شرابا کیا گیا اور پھر بائیکاٹ کر دیا گیا. مراد سعید کے خطاب کی سوشل میڈیا پر بہت تحسین کی جارہی ہے. ان کے خطاب کے اقتباسات واٹس ایپ گروپوں، فیس بک اور ٹویٹر پر گردش کرتے رہے.