ملتان:آم ہوں ملتان کے تو پھر کوئی کھائے بغیر رہ سکے ایسا نہیں ہو سکتا .لیکن اگر عام سے پیزہ تیار کرکے لوگوں کو کھلایا جائے تو پھر آم کی شہرت تو عام ہو کررہے گی . تاہم پاکستان کے شہر ملتان میں مینگو فیسٹیول کے دوران آم کا پیزا بنا دیا گیا۔
حکومت پنجاب کی طرف سے ملتان میں ہونے والی مینگو کانفرنس کا آغاز صوبائی وزیر زراعت ملک نعمان لنگڑیال نے کیا۔ اس فیسٹیول میں ملتان کے پچاس سے زائد اقسام کے آم لائے گئے تھے اس نمائش کو دیکھنے کے لیے شہریوں کی بڑی تعداد دیکھنے پہنچ گئی۔ جہاں نہ صرف دنیا کے مشہور ذائقہ کے حامل آم ہر شہری کی توجہ کا مرکز بنے رہے وہاں عام کی ایک نئی ڈش نے دھوم مچا دی ہے.
اس فیسٹیول میں زرعی یونیورسٹی کی جانب سے آم سے تیار کردہ اشیاء کی نمائش کی گئی جس کو دیکھنے کے لیے طالعبلموں اور شہریوں کی بڑی تعداد نے رُخ کیا اس تین روزہ نمائش کی سب سے بڑی خبر یہ تھی یہاں مینگو پیزا بھی رکھا گیا اور اس کی آئس کریم اور مختلف اقسام کی چٹنیاں بھی رکھی گئیں۔ خصوصی طور پر طلبہ آم کے رنگ برنگی قسمیں دیکھ کر کافی محظوظ ہوئے۔ یاد رہے کہ ملتان کے آم دنیا بھر میں مشہور ہیں اور اور اب تو اس موسم میں ملتان کے آموں کی خوشبو دنیا کےکسی بھی کونے میں محسوس کی جاسکتی ہے.