ماؤں کو مرنا نہیں چاہئے ان کے مرنے سے زندگی کا مفہوم بھی مرجاتا ہے صبا فیصل

پاکستان شوبز انڈسٹری کی سینئیراداکارہ صبا فیصل کا کہنا ہے کہ ماؤں کے مرنے سے زندگی کا مفہوم بھی مرجاتا ہے۔

باغی ٹی وی : اداکارہ صبا فیصل نے فوٹو اینڈ ویڈیو شئیرنگ ایپ انسٹا گرام پر دنیا کی حسین ترین ہستی ماں سے متعلق دل کو چھو لینے والی ایک پوسٹ شیئر کی اداکارہ کی اس پوسٹ کو انسٹا صارفین کی جانب سے بے حد سراہا جا رہا ہے-

اداکارہ نے اپنی پوسٹ میں لکھا کہ ماؤں کو مرنا نہیں چاہئے کیوں کہ اُن کے مرنے سے زندگی کا مفہوم مرجاتا ہے۔

اداکارہ نے اپنی پوسٹ پر ماں سے متعلق یہ بھی لکھا کہ آج میرے پاس زندگی میں سب کچھ ہے، اللہ تعالی نے دنیا کی ہر آسائش سے نوازا ہوا ہے، اب زندگی میں کسی چیز کی کوئی کمی نہیں ہے، بس کمی ہے تو صرف ماں کی ہے۔

صبا فیصل نے اپنی والدہ کے لئے دعا کرتے ہوئے کہا کہ اللہ تعالیٰ آپ کی بخشش و مغفرت عطا فرمائے اور جنت الفردوس میں اعلیٰ مقام عطا فرمائے۔

صبا فیصل نے پوسٹ کے کیپشن میں لکھا کہ گزرے کئی سال اور نہ جانے آنے والے کتنے سال ماں تیرے بغیر-

اس قبل بھی ایک ایسی ہی دل کو چھو لینے والی پوسٹ اداکارہ نے شئیر کی تھی جس پر لکھا تھا کہ مائے اج پرانی پیٹی وچوں تیریاں یاداں کڈھ کے دُھپے پائیاں نیں اکھاں بھر آئیاں نیں-

اس پوسٹ کے کیپشن میں انہوں نے لکھا کہ چلیاں جان اک وار تے مُڑ کے آندیاں نئی، ماواں ٹھنڈیاں چھاواں –