مقبوضہ کشمیر گوانتاناموبے جیل بن گیا ہے، سراج الحق

امیر جماعت اسلامی سراج الحق نے کہا ہے کہ پی ٹی آئی حکومت نے بلتستان کو فتح کیا، کوئی بھی حکومت جو فتح نہیں کرسکی وہ مقبوضہ کشمیر ہے، ساتھ سفیر کے سامنے کشمیر کا مسئلہ رکھا تو ان میں سے ایک سفیر نے کہا کہ جب پاکستان سلامتی کونسل مسقل رکن نہیں تھا کسی نے بھی کشمیر کا مسئلہ نہیں اٹھایا، میں 22 کروڑ عوام کی حیثیت سے کشمیر کی نمائندگی اس مجلس میں کررہا ہوں، گزشتہ 3 برس سے پی ٹی آئی کی اس حکومت کا جو رویہ ہے وہ غیر سنجیدہ ہے، پارلیمنٹ میں 34 سے زیادہ چئیرمین موجود ہیں، اس میں کشمیر کمیٹی کا کوئی چئیرمین نہیں تھا، پلوامہ واقع کے بعد پوچھا گیا کہ کشمیر کمیٹی کا چئیرمین کون ہے، انہوں نے راتوں رات فخرامام کو کشمیر کمیٹی کا چئیرمین بنا دیا ، اس کو جلد از جلد ہٹا دیا گیا، اس کے بعد جس شخص کو کشمیر کمیٹی کا چئیرین بنایا گیا ہے اس کو کشمیر کے کل رقبے کا بھی نہیں پتہ ہے، امریکہ نے گوانتاناموبے جیل میں چند سو قیدی رکھے تھے، آج وہ جیل خالی ہے، آج پورا کشمیر جس میں 80 لاکھ آبادی ہے، مقبوضہ کشمیر گوانتاناموبے جیل بن چکا ہے، 2019 سے لیکر آج تک 119 ہمارے کشمیری نوجوان شہید کردیے گئے ہیں.