مارچ میں مہنگائی 3.72 فیصد بڑھی،ادارہ شماریات

ادارہ شماریات نے ملک میں مہنگائی کے ماہانہ اعداد و شمار جاری کردیئے-

باغی ٹی وی: ادارہ شماریات کے مطابق مہنگائی کی مجموعی شرح 35.37 فیصد تک پہنچ گئی ہے، رواں مالی سال کے 9 ماہ میں مہنگائی 27.26 فیصد ریکارڈ کی گئی ،مارچ کے مہینے میں مہنگائی 3.72 فیصد بڑھی، گزشتہ مالی سال مارچ میں مہنگائی 12.7 فیصد تھی-

حکمران اتحاد کا تین رکنی بنچ کے بائیکاٹ کا فیصلہ

ادارہ شماریات کے مطابق رواں سال مارچ میں شہروں میں مہنگائی 3.9 فیصد بڑھی، شہروں میں مہنگائی کی مجموعی شرح 33 فیصد تک پہنچ گئی ہے جبکہ مارچ میں دیہی علاقوں میں مہنگائی 3.5 فیصدبڑھی اور دیہی علاقوں میں مہنگائی 38.9 فیصد تک پہنچ گئی ہے۔

ادارہ شماریات کے مطابق شہروں میں ایک ماہ میں چائے 28.44 فیصد، پھل 20.04 فیصد ،ماہانہ بنیادوں پر ٹماٹر 13.17 فیصد، چینی 12.49 فیصد مہنگی ہوئی، آلو 11.26 فیصد، گندم 8.29 فیصد مہنگی ہوئی سگریٹ ایک ماہ میں 70.34 فیصدآٹا 7.84 فیصد، کوکنگ آئل 7.04 فیصد مہنگا ہوا۔

انتخابات سےمتعلق کیس پر فل کورٹ بنانے پر سب متفق ہیں. نواز شریف

ادارہ شماریات کے مطابق شہروں میں ایک ماہ میں پیاز 25.4 فیصد ، انڈے 12.40 فیصد اور چکن 3.66 فیصد سستی ہوئی ۔

ادارہ شماریات کے مطابق دیہات میں ایک ماہ میں تازہ پھل 3.31 فیصد، آلو 17.65 فیصد سگریٹ 70.34 فیصد مہنگے ہوئے، چینی 9.95 فیصد، دال ماش 7.12 فیصد، گھی 5.82 فیصد مہنگا ہوا جبکہ دیہات میں ایک ماہ میں پیاز 30.58 فیصد، انڈے 12.20 فیصد اور چکن 2.06 فیصد سستی ہوا۔