مارگلہ کی پہاڑیوں پر آگ کون لگاتا ہے؟ چئیرپرسن اسلام آباد وائلڈ لائف کا چونکا دینے والا انکشاف

اسلام آباد:مارگلہ کی پہاڑیوں پر آگ لگنے کا معاملہ،

باغی ٹی وی : چئیرپرسن اسلام آباد وائلڈ لائف رینا خان کا کہنا ہے کہ آگ لگنے کی وجہ کئی مقامی افراد اور سیاح بھی ہوتے ہیں،کیونکہ عمومی طور پر مارگلہ کی پہاڑیوں پر آگ قدرتی طور پر نہیں لگتی-

رینا خان کا کہنا ہے کہ سیاح تمباکونوشی یا پارک/ٹریلز پر باربی کیو کرتےہیں جو پہاڑیوں پر آگ لگنے کا سبب بنتے ہیں-

چئیرپرسن اسلام آباد وائلڈ لائف نے بتایا کہ آگ اب صرف ٹریل 6 کے اوپر والے حصہ میں لگی ہوئی ہے-

رینا خان نے دعوی کیا کہ آج کی آگ واضح طور پر جان بوجھ کر لگائی گئی ہے وائلڈ لائف عملہ نے ٹریل 6 کے اوپر ایک فرد کو آگ جلاتے دیکھا-

چئیرپرسن اسلام آباد وائلڈ لائف نے بتایا کہ آگ لگانے والے فرد کو پکڑا نہیں جا سکا ،تاہم پولیس کو پارک کے اندر مقامی دیہات میں تعینات کیا گیا ہے،اور انتظامیہ کی جانب سے یقینی بنایا جارہا ہے کہ آگ لگانے میں کوئی دیہاتی ملوث نہ ہو-

رینا خان نے بتایا کہ معاملہ کی تفتیش اور نقصان کے تعین تک ٹریلز عوام کے لیے بند رہیں گی-