ماریہ واسطی نے بتا دیا کہ کامیابیوں کا تسلسل براقرا رکھنا کیوں ضروری ہے؟

سینئر اداکارہ ماریہ واسطی جنہوں نے پاکستان ٹیلی ویژن سے اپنے کیرئیر کا آغاز کیا. ان کی خوبصورت اداکاری نے شائقین کے دل موہ لئے ، ماریہ واسطی نے پی ٹی وی کے دور میں یادگار ڈرامے کئے. ماریہ کا اس حوالے سے کہنا ہے کہ میں‌ نے پی ٹی وی میں کام کرکے بہت کچھ سیکھا جس وقت میں نے کام شروع کیا اس وقت نامور لوگ پی ٹی وی سے وابستہ تھے ان کی صحبت سے بہت کچھ سیکھا اُس وقت کا سیکھا ہوا آج کام آرہا ہے. ماریہ واسطی نے کہا کہ کامیابیوں کا تسلسل برقرار رکھنا بے حد ضروری ہے ، اور ایسا کرنا اس لئے ضروری ہے کیونکہ آپ کے مداحوں نے آپ کا

جس لیول کا کام دیکھا ہوتا ہے وہ اس سے اوپر کا کام ہر بار دیکھنا چاہتے ہیں. ماریہ واسطی نے کہا کہ مجھے بہت خوشی ہے کہ میرے حصے میں بہترین کردار آئے. میں نے ہمیشہ معیار کو ترجیح دی ہے ہر ڈرامہ یا کہانی صرف اسلئے سائن نہیں‌کر لی کہ میرے پاس آئی ہے میں نے ہمیشہ سوچ سمجھ کر کسی بھی پراجیکٹ کا انتخاب کیا کیونکہ میرے پرستار مجھے بہتر سے بہترین کام کرتا ہوا دیکھنا چاہتے ہیں.ماریہ واسطی نے کہا کہ مجھے چیلنجنگ کام کرنا پسند رہا ہے یہی وجہ ہے میرے کرداروں میں شائقین کو ورائٹی نظر آتی ہے.