ماروا اور عروہ حسین کی خاموشی نے تہلکہ مچا دیا

اسلام آباد : ماروا اور عروہ حسین کی خاموشی نے تہلکہ مچا دیا اطلاعات کے مطابق پاکستان کی شوبز انڈسٹری سے وابستہ بہنوں، ماروا اور عروہ حسین کے حالیہ بیان سے ان کے مداحوں اور ناقدین نے یہ سمجھا کہ شاید دونوں بہنیں گزشتہ چند برس سے ڈپریشن کا شکار ہیں جس کی اصل وجہ خوراک ہے۔

ذرائع کے مطابق شوبز سے وابستہ دونوں بہنوں کے بیان سے سوشل میڈیا پر گرما گرم بحث کے بعد آخر کار عروہ حسین نے تنگ آکر اپنی پریشانیوں کا تذکرہ نہ کرنے کی ٹھان لی۔عروہ حسین نے کہا کہ وہ فیصلہ کرچکی ہیں کہ اب وہ اپنی ذہنی صحت سے متعلق جدوجہد کے بارے میں بات کرنے سے گریز کریں گی۔انہوں نے کہا کہ وہ اچھی طرح ادراک رکھتی ہیں کہ ذہنی امراض سے نکلنے میں وقت لگتا ہے۔

عروہ حسین نے شوبز کمیونٹی سے شکوہ کیا کہ میں اس موضوع پر مزید کچھ نہیں کہوں گی کیونکہ میرے ہر لفظ کی کڑی اسکرونٹی ہوتی ہے۔پاکستانی ماڈل نے شکوہ کیا کہ ان کی مثبت سوچ کے باوجود انہیں غلط سمجھا گیا، ‘میں لفظوں سے احساسات کے اظہار میں کمزور ہوں اور اسی وجہ سے میں نے محسوس کیا کہ مجھے انٹرویو وغیرہ دینے سے گریز کرنا چاہیے’۔