مریم نواز شریف کورونا کے قہرسے نہ بچ سکیں:ٹیسٹ پھرمثبت آگیا: خاندانی ذرائع

لاہور:مریم نواز شریف کورونا کے قہرسے نہ بچ سکیں:ٹیسٹ پھرمثبت آگیا:،اطلاعات کے مطابق مسلم لیگ (ن) کی نائب صدر مریم نواز شریف کا دوسرا کورونا ٹیسٹ بھی مثبت آ گیا ہے۔ خاندانی ذرائع نے ان کی بیماری میں ابھی تک مبتلا ہونے کی تصدیق کی ہے۔

ذرائع کا کہنا ہے کہ مریم نواز کی علامات میں نمایاں کمی آئی تاہم کورونا وائرس ختم نہیں ہوا۔ ڈاکٹرز نے مریم نواز کو مزید احتیاطی تدابیر اختیار کرنے کی ہدایت کر دی ہے۔

خیال رہے کہ مریم نواز شریف گزشتہ ماہ سے کورونا وائرس میں مبتلا ہیں۔ مریم نواز کے بیماری میں مبتلا ہونے کی سب سے پہلے اطلاع مسلم لیگ (ن) کی ترجمان مریم اورنگزیب نے دی تھی۔

ادھرن لیگی ذرائع نے چند دن پہلے اس بات کی تصدیق کی تھی کہ مریم نوازسے ملنے والوں کو بھی کورونا ہونے کے امکانات بڑھ گئے،ان ذرائع کا یہ بھی کہنا تھا کہ اس حوالے سے مشتبہ لوگوں کوٹیسٹ کروانے کی ہدایت کی گئی تھی