سینئر صحافی و اینکر پرسن مبشر لقمان نے کہا ہے کہ کل وزیراعظم عمران خان کے ساتھ 90 منٹ کی نشست میں کسی نے بھی مریم نواز کے بارے میں بات نہیں کی
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ گزشتہ روز وزیراعظم عمران خان سے 90 منٹ کے نشست رہی، اس نشست میں کسی فرد نے بھی مریم نواز کے بارے میں کوئی بات نہیں کی،
Yesterday in a 90 minutes meeting with the Prime Minister not even one person asked the Prime Minister about the arrest of Maryam Nawaz. She is that big a priority on the national scale and she must accept the fact that she is now unimportant history
— Mubasher Lucman (@mubasherlucman) August 9, 2019
مبشر لقمان کا کہنا تھا کہ مریم نواز کو اب تسلیم کر لینا چاہئے کہ قومی سطح پر ان کی کوئی اہمیت نہیں، مریم نواز کو یہ بھی قبول کرنا ہو گا کہ وہ تاریخ کا غیر اہم حصہ بن چکی ہیں.
واضح رہے کہ گزشتہ روز وزیراعظم عمران خان سے سینئر صحافیوں نے ملاقات کی تھی، اس موقع پر وزیراعظم عمران خان کا کہنا تھا کہ کشمیر کے حوالے سے ہمیں مغربی دنیا میں رائے عامہ ہموار کرنی ہے یہ رائے عامہ کی جنگ ہے جو ہمیں جیتنی ہے۔ اس لیے موجودہ صورتحال میں میڈیا کا کردار بہت اہم ہے۔ وزیراعظم نے کہا کہ بھارت کی جانب سے کشمیریوں کی نسل کشی کے اقدامات سے ہٹلر کی یاد تازہ ہو گئی ہے۔ انہوں نے کہا کہ امریکی صدر ڈونلڈ ٹرمپ کے ساتھ وائٹ ہاﺅس میں ملاقات اور صدر ٹرمپ کی جانب سے کشمیر کے مسئلے پر ثالثی کی پیشکش کے بعد بھارت نے یہ اقدام کیا ہے۔ وزیراعظم نے کہا کہ کشمیریوں کی جاری تحریک آزادی برسوں کے ظلم و ستم، جبر اور بھارتی حکومت کی طرف سے کشمیری عوام کے دل و دماغ جیتنے میں ناکامی کا نتیجہ ہے .
