مسجد آیا صوفیہ نماز جمعہ میں دیریلیس ارطغرل اداکاروں کی شرکت

گزشتہ روز 24 جولائی کو ترکی کی قدیم مسجد آیا صوفیہ میں 86 برس بعد نماز جمعہ ادا کی گئی جس میں ترک صدر سمیت متعدد معروف شخصیات نے بھی شرکت کی سعادت حاصل کی-

باغی ٹی وی :گزشتہ روز 24 جولائی کو ترکی کی قدیم مسجد آیا صوفیہ میں 86 برس بعد نماز جمعہ ادا کی گئی جس میں جہاں ترک صدر سمیت متعدد معروف شخصیات نے بھی شرکت وہیں مسلمانوں کی اسلامی فتوحات پر مبنی شہرہ آفاق ترک سیریز ’دیرلیش ارطغرل‘ کے بھی چند اداکاروں نے بھی شرکت کرنے کی سعادت حاصل کی-
https://www.instagram.com/p/CDCN3ELps2E/?igshid=fqwewb5k7fxc
دیرلیش ارطغرل میں مرکزی کردار اطغرل کے خاص سپاہی کا کردار ادا کرنے والے عبدالرحمٰن ’سیلال‘ نے بھی با جماعت نماز ادا کی اور آیا صوفیہ مسجد کا دورہ کیا ۔
https://www.instagram.com/p/CDBt4nqpiAB/?igshid=1r0gxy89pk8xg
سیلال نے صوفیہ مسجد میں لی گئیں خوبصور ت تصاویر اورویڈیو اپنے انسٹاگرام اکاؤنٹ پر شیئر کیں اور اللہ کا شکر ادا کیا –

دوسری جانب دیرلیش ارطغرل غازی کے سیزن 3 اور 4 میں اصلیحان خاتون کا اہم ترین کردار ادا کرنے والی اداکارہ گُلسم نے بھی تاریخی مسجد آیا صوفیہ کا دورہ کیا۔
https://www.instagram.com/p/CDBY5s-nz3E/?igshid=arot2whbpzyq
گُلسم نے آیا صوفیہ مسجد میں لی گئی اپنی ایک خوبصورت تصویر اپنے انسٹا گرام اکاؤنٹ پر شیئر کی –

واضح رہے کہ گذشتہ روز ترک صدر رجب طیب اردوان کے علاوہ ترکی کی دیگر سیاسی شخصیات نے بھی آیا صوفیہ میں نمازِ جمعہ ادا کی، نماز کی ادائیگی کے لیے نہ صرف ترکی کے لوگ بلکہ اس روھ پرور منظر کو دیکھنے کے لئے دوسرے ممالک سے بھی مسلمانوں نے شرکت کی –

یاد رہے کہ رواں ماہ ترکی کے صدر رجب طیب اردوان نے استنبول کی تاریخی اہمیت کی حامل عمارت آیا صوفیہ کو مسجد میں تبدیل کرنے کے صدارتی حکم نامے پر دستخط کیے تھے۔