مسجد حرم نارتھ ناظم آباد میں شر پسند لینڈگر یبروں نے مسجد انتظامیہ سے دو لاکھ روپے بھتہ مانگ لیا نہ دینے کی صورت میں سنگین نتائج کی دھمکیاں

مسجد حرم نارتھ ناظم آباد میں شر پسند،لینڈگریبروں نے مسجد انتظامیہ سے دو لاکھ روپے بھتہ مانگ لیا نہ دینے کی صورت میں سنگین نتائج کی دھمکیاں
ذمہ داروں کے خلاف ایف آئی آر درج کی جائے ۔پیر قاری عبدالمنان انور نقشبندی حافظ احمد علی ،ملک نعیم خلجی ،علی عثمانی جمعیت علماء اسلام(س) صوبہ سندھ کے امیر پیر قاری عبدالمنان انور نقشبندی ،جمعیت علماء اسلام کے مرکزی ڈپٹی جنرل سیکٹری حافظ احمد علی ،کراچی علماء کمیٹی کے چیئرمین مولانا اقبال اللہ ،امیر پی ٹی آئی علماء کونسل سندھ مولانا مفتی حضرت ولی ہزاروی ، جمعیت علماء اسلام کراچی کے جنرل سیکٹری علامہ حماد مدنی جمعیت علماء اسلام کراچی یوتھ ونگ کے صدر دانش ملک جمعیت علماء اسلام ڈسٹرک سینٹرل یوتھ ونگ کے صدر علی عثمانی نے اپنے ایک جاری کردہ بیان میںکہا ہے کہ کراچی نارتھ ناظم آبادبلاک این مسجد حرم میں شرپسند عناصرمعروف لینڈ کریبر اختر نعیمی عرف نمو جو کہ اپنے آپ کو پولیس والا ظاہر کرتا ہے اسکے دست راست حامد علی رضوی ،مقصود ،ماجد علی رضوی ،سید فرقان الاسلام جعلی ایف آی اے والا ،اظہر ،علی رضا،ساجد نعیم انصاری اور عرفان اور نعمان جو کہ اپنے آپ کو جماعت اسلامی کا ظاہر کرتے ہیں شامل ہیں جوکہ جعلی غیر رجسٹرڈ این جی اوز انجمن فلاح کا نام لیکر مسجدحرم میں آکر انتظامیہ سے دو لاکھ روپے بھتہ مانگ رہے ہیں اور مسجد انتظامیہ میں شامل ہونے کے لئے مسجد انتظامیہ پر دبائو ڈالا جانا اور بھتہ نا دینے پر مسجد حرم کوتالا لاگایا اور مزدوروں اور چوکیداروں کو زدکوب کیا چوکیدار محمد وارث کی اسی سالہ بوڑھی والدہ کو دھکے دئے اور مسجد کا مکان خالی کرنے کی دھمکی دی ،لینڈ کریبروں نے مسجد کو تالا لگاکر مسجد کے تقدس کی پامالی کی ہے اور کروڑوں مسلمانوں کے دلوں کو اور ایمان کو ٹھیس پہچائی ہے انکی طرف سے مسجد کی بے حرمتی اور مسجد انتظامیہ سے بھتہ طلب کرنا مسجد کے خادم اور چوکیدار محمد وارث کے حراساں کرنے اور چوکیدار محمد وارث کی اسی سالہ بوڑھی والدہ کو دھکے دینے اور زد کوب کرنے کی شدید الفاظ میں مذمت کرتے ہیں ،مسجد اللہ کا گھر ہے اس اللہ کے گھر کی بے حرمتی انتظامیہ کے ساتھ ناروا سلوک کسی صور ت برداشت نہیں کیا جاسکتا اور شرپسند عناصر کی طرف سے اپنے آپ کو کبھی پولیس والا اور کبھی سرکاری ادارے کے اہلکار اور کبھی اپنے آپ کو جعلی ایف آئی اے کے اہلکار ظاہر کرنا،کبھی اپنے آپ کو جماعت اسلامی کا ظاہر کرنا جب کے انتظامیہ کی جماعت اسلامی کے ذمداروں سے بھی بات چیت ہوئی انہوں نے عرفان اور نعمان نامی شخص سے برات کا اظہار کیا اور کہا کہ جماعت اسلامی کا ایسے شرپسندوں سے کوئی تعلق نہیں ، مسجد انتظامیہ سے دو لاکھ روپے بھتہ طلب کرنے اور مسجد حرم کے تقدس کی پامالی چوکیداروں اور انتظامیہ کو ڈرانے دھمکانے اور مزدوروں کو کام کرنے سے منع کرنے اور روکنے کے خلاف شدید الفاظ میں مذمت کرتے ہیں جمعیت علماء اسلام مسجد مدرسہ کا تحفظ اور اسکی نگہبانی اپنا ایمان کا حصہ سمجھتی ہے اور اس کی حرمت اپنی جان ،مال عزت آبرواور اپنی گردنوں سے زیادہ عزیز رکھتی ہے،اپنی گردنیں کٹواسکتی ہے لیکن مسجد کے تقدس کی پامالی کسی صورت برداشت نہیں کرسکتی انتظامیہ واقع کا فی الفور نوٹس لے اور کور ٹ کے حکم کی تعمیل کرتے ہوئے اور مسجد حرم کی انتظامیہ کے ساتھ تعاون کرتے ہوئے مسجدحرم کو سیکورٹی فراہم کرے اورشرپسند عناصر کے خلاف قانونی کاروائی عمل میں لائی جائے .