راولپنڈی میں اسلام آباد یونائیٹڈ اورپشاور زلمی کے درمیان میچ منسوخ ، اہم وجہ سامنے آگئی

راولپنڈی :راولپنڈی میں یونائیٹڈ اور زلمی کے درمیان میچ منسوخ ، اہم وجہ سامنے آگئی ،اطلاعات کےمطابق پاکستان سپر لیگ کے پانچویں ایڈیشن میں اسلام آباد یونائیٹڈ اور پشاور زلمی کے درمیان میچ بارش کے سبب منسوخ کردیا گیا۔

راولپنڈی کرکٹ اسٹیڈیم میں شیڈول میچ مسلسل بارش اور آؤٹ فیلڈ گیلی ہونے کے سبب منسوخ کردیا گیا۔بارش کے سبب میچ کا ٹاس بھی ممکن نہ ہو سکا اور امپائرز نے دونوں ٹیموں کے کپتانوں سے مشاورت کے بعد میچ منسوخ کرنے کا اعلان کردیا۔میچ کی منسوخی کے سبب اسلام آباد یونائیٹڈ اور پشاور زلمی دونوں کو ایک، ایک پوائنٹ دے دیا گیا ہے۔

یاد رہے کہ گزشتہ روز پشاور زلمی اور لاہور قلندرز کے درمیان میچ بھی بارش سے متاثر ہوا تھا اور بارش کی وجہ سے میچ کو 12اوورز فی اننگز تک محدود کردیا گیا تھابارش سے ماتثرہ اس دلچسپ مقابلے میں پشاور زلمی نے لاہور قلندرز کو شکست سے دوچار کیا تھا۔

پشاور زلمی اور اسلام آباد یونائیٹڈ پوائنٹس ٹیبل پر پانچ میچوں میں پانچ، پانچ پوائنٹس کے ساتھ بالترتیب تیسرے اور چوتھے نمبر پر موجود ہیں۔