مولا جٹ کی کامیابی سے شان شاہد خوش

لالی وڈ کے سپر سٹار شان شاہد جن کی فلم ضرار ریلیز ہونے جا رہی ہے انہوں نے اپنے حالیہ انٹرویو میں کہا ہے کہ میں‌نے ہمیشہ اپنی ہر فلم پر بہت زیادہ توجہ دی ہے اس کے ہر چھوٹے سے چھوٹے اور بڑے سے بڑے کام میں انوالو ہوتا ہوں. انہوں نے کہا کہ ضراراپنی نوعیت کی ایسی فلم ہے جو پاکستان میں‌پہلے کبھی نہیں‌ بنی. مجھے بہت امید ہے کہ یہ فلم شائقین کو ضرور پسند آئیگی . میں نے ابھی تک جتنی بھی پرموشنز کی ہیں لوگوں کا بہت اچھا ریسپانس دیکھ رہا ہوں. اچھی بات یہ ہے کہ اب لوگ فلمیں دیکھنے کےلئے سینما گھروں کا رخ کر رہے ہیں. مولا جٹ ہمارے

کلچر کی عکاسی کرتی ہے خوشی کی بات یہ ہے کہ ہماری نئی فلموں میں ہمارے کلچر کی عکاسی کرتی فلموں اور کہانیوں کو بھلایا نہیں گیا ہے. ہم سب کو مل کر کام کرنا چاہیے. ہمیں کراچی لاہور میں نہیں بٹنا چاہیے. میں‌ نے جتنا بھی کام کیا ہے میں اس بے حد مطمئن ہوں. یاد رہے کہ شان شاہد کی فلم ضرار میں نہ صرف وہ اداکاری کررہے ہیں بلکہ اسے لکھا بھی خود ہے اور ڈائریکٹ بھی کیا ہے. فلم کی ہیروئین نامور ماڈل کرن ملک ہیں جو کہ اس میں ایک صحافی کا کردار ادا کررہی ہیں.