مردان: کتنا کمایا،کتنا لگایا اورکتنا کھایا:اب حساب دینے کا وقت آیا تومولانا فضل الرحمن نے ڈرامے شروع کردیئے:مولاناشجاع الملک نے اصل وجہ بتادی ، اطلاعات کے مطابق جمعیت علما اسلام کے سربراہ کی مخالفت پر پارٹی سے نکالے جانے والے رہنما مولانا شجاع الملک نے ایک بار پھر مولانا فضل الرحمان کو تنقید کا نشانہ بنا ڈالا۔
مرادن میں میڈیا سے گفتگو کرتے ہوئے مولانا شجاع الملک کا کہنا تھا کہ مولانا فضل الرحمان بندگلی میں پھنس چکے ہیں، اگر اُن کا دامن صاف ہے تو نیب میں کیوں پیش نہیں ہوتے‘۔ان کا کہنا تھا کہ کتنا کمایا،کتنا لگایا اورکتنا کھایا:اب حساب دینے کا وقت آگیا ہے
شجاع الملک کا کہنا تھا کہ ’ پی ڈی ایم ایک پیج پر نہیں، اس لیے یہ حکومت نہیں گراسکتے، مولانا فضل الرحمان کو قوم کی نہیں بلکہ اپنی فکر ہے‘۔اُن کا کہنا تھا کہ ’پی ڈی ایم میں شامل کسی جماعت میں جمہوریت نہیں ہے، اداروں کےسامنے دھرنوں کی باتیں بچگانہ ہیں، مولانا نیب سے بچنے کے لیے یہ سارے ڈرامے کررہے ہیں‘۔
شجاع الملک کا کہنا تھا کہ ’مولانانےکرپشن چھپانےکیلئے پوری جماعت کو یرغمال بنایاہوا ہے، مجھے یا دیگر رہنماؤں کی رکنیت صفائی کا موقع دیے بغیر ہی ختم کردی گئی جبکہ میں مرکزی شوری کا ممبر بھی ہوں مگر اجلاس میں نہیں بلایا گیا‘۔
انہوں نے دعویٰ کیا کہ ’ ہم اکیلےنہیں چاروں صوبوں کے کارکن ہمارے ساتھ ہیں، فضل الرحمان سے اختلافات آج سے نہیں بلکہ تیرہ سال پرانے ہیں۔ اداروں کے خلاف بیانیہ جمعیت علما اسلام کا نہیں بلکہ مسلم لیگ ن کا ہے‘۔
