معروف اداکارہ مایا علی نے کورونا وائرس کی وجہ سے ملک بھر میں ہونے والے لاک ڈاؤن کے باعث بے روزگار ہونے والے مستحق افراد میں راشن تقسیم کرنا شروع کردیا
باغی ٹی وی :معروف اداکارہ مایا علی نے جان لیوا کورونا وائرس کی وبا کی وجہ سے ملک بھر میں ہونے والے لاک ڈاؤن کے باعث بے روزگار ہونے والے مستحق افراد میں راشن تقسیم کرنا شروع کردیا مایا علی نے گذ شتہ روز انسٹاگرام پر مستحق افراد میں تقسیم کیے جانے والے راشن بیگز کی چند تصاویر شیئر کیں اور لکھا کہ یہ راشن کا پہلا بیچ ہے جو ہم مستحق افراد میں تقسیم کرنے جا رہے ہیں
https://www.instagram.com/p/B-KGnBYHihv/?igshid=1p155e5wtl8fe
مایا علی نے لکھا یہ صحیح وقت ہے جب ہمیں کسی اور کی مدد کا انتظار کرنے کے بجائے معاشرے میں اپنا کردار ادا کرنا چاہئے یہ وقت بہت مشکل ہے اور ہمیں بحیثیت قوم ایک ہونا ہے اور ایک دوسرے کی مدد کرنی ہے الحمداللہ مجھے بہت خوشی ہے کہ اللہ نے مجھے یہ موقع دیا کہ اس مشکل وقت میں میں لوگوں کی مدد کروں
مایا علی نے لکھا کہ چند روز قبل ان کے دماغ میں یہ خیال آیا اور انہوں نے اسے اپنے دوستوں کے ساتھ شیئر کیا جس کے بعد ان کے دوستوں نے بھی اس نیک کام میں ان کا ساتھ دیا مایا نے کہا کہ میں اپنے دوستوں کی اور ان تمام لوگوں کی بہت شکر گزار ہوں جنہوں نے اس نیک کام میں حصہ لیا اور اپنا کردار ادا کیا یہاں تک کہ پاکستان سے باہر سے بھی
اداکارہ نے لکھا کہ ہمیں نہیں معلوم یہ مشکل وقت کب تک چلے گا لیکن ہم سب کو ان تمام لوگوں کے لیے کھڑ ے رہنا ہے جو مستحق ہیں انشا اللہ یہ سب جلدی ختم ہوجائے گا لیکن تب تک ہمیں یہ کرتے رہنا ہے مایا نے لکھا کہ انہوں نے اشیاء کی فہرست بھی لکھ دی ہے ہر تھیلے کی قیمت پانچ کلوہے اس کے ساتھ ہی مایا علی نے لوگوں سے درخواست کی کہ اگر کوئی اس کام میں ان کا ساتھ دینا چاہتا ہے اشیاء یا پیسوں سے تو ان سے دئیے گئے نمبر پررابطہ کرسکتا ہے اور انہوں نے یہ یقین بھی دلایا کہ یہ چیزیں مستحق افراد تک ہی پہنچیں گی ہمیں حیثیت ایک قوم کورونا سے لڑنا ہے اور اس پر جیت حاصل کرنی ہے
اگر وقت پہلے جیسا نہیں رہا تو انشاءاللہ ایسا بھی نہیں رہے گا مایا علی
