اعلیٰ سطحی ایم کیوایم وفد کی پرویزمشرف سےملاقات، زیربحث آئے اہم معاملات،بھرپورتعاون کی یقین دہانی

دبئی :میئرکراچی وسیم اختراورحیدرعباس رضوی کی پرویزمشرف سے ملاقات،زیربحث آئے اہم معاملات،اطلاعات کےمطابق ایم کیوایم پاکستان کے ڈپٹی کنوینر اورمیئرکراچی وسیم اختر اوررکن رابطہ کمیٹی حیدر عباس رضوی کی دبئی میں سابق صدر جنرل پرویز مشرف سے ملاقات کی ۔وفد نے سابق صدر کی جلد صحت یابی کے لئے دعا بھی کی۔

اس موقع پروفد نے گذشتہ روز سابق صدر کے خلاف خصوصی عدالت کے فیصلے کو انتہائی افسوسناک قرار دیتے ہوئے ایم کیو ایم کی جانب سے سابق صدر کو بھرپور حمایت کا یقین دلایا۔وفد نے خصوصی عدالت کے افسوسناک فیصلے کے خلاف ہر سطح پر جانے کے عزم سے بھی سابق صدر کو آگاہ کیا جس پر سابق صدر جنرل پرویز مشرف نے ایم کیو ایم پاکستان کی قیادت کا شکریہ ادا کیا۔

واضح رہے اس سے قبل پرویز مشرف سنگین غداری کیس میں اسلام آباد کی خصوصی عدالت کی جانب سے فیصلہ سنا دیاگیا تھا، خصوصی عدالت نے پرویزمشرف کو سزائے موت کاحکم دیا تھا ۔ خصوصی عدالت کے دو ججز نےفیصلہ دیا تھا اورسابق صدر پرویز مشرف کو سنگین غداری کا مرتکب قراردے دیا۔