اسرائیلی فوج کے غزہ میں حملے جاری،مزید 55 فلسطینی شہید

غزہ: اسرائیلی فوج کی جانب سے غزہ کے مظلوم شہریوں پر بمباری سے 24 گھنٹوں میں مزید 55 فلسطینی شہید ہوگئے۔

باغی ٹی وی : صیہونی فوج نے نصیرت کیمپ اور رفح میں بمباری کی جس کے نتیجے میں مزید 55 فلسطینی شہید ہوگئے،اسرائیلی فوج نے شمالی غزہ میں ایک رہائشی عمارت پر بھی حملہ کیا جس سے عمارت تباہ ہوگئی مگر جانی نقصان کا اندازہ نہیں لگایا جاسکا۔

دوسری جانب شمالی اسرائیل میں حزب اللہ کے ڈرون حملے میں زخمی ہونے والا اسرائیلی میجر ہلاک ہوگیاعلاوہ ازیں لبنا،-اسرائیل کی سرحد پر کشیدگی بڑھنے کے بعد اسرائیلی فوج نے منگل کو ایک بیان میں اعلان کیا کہ شمالی اسرائیل کے علاقے میٹولا میں سائرن بجنے لگے ہیں، فوج کی طرف سے ٹیلی گرام پر شائع ہونے والے بیان میں مزید تفصیلات فراہم نہیں کی گئیں۔

آرمی چیف سے ایرانی صدر کی ملاقات،دوطرفہ تعاون کو فروغ دینے کی ضرورت پر اتفاق

ادھر اسرائیلی اپوزیشن لیڈر یائیر لپیڈ کی وزیراعظم بنجمن نیتن یاہو پر تنقید کا سلسلہ جاری ہے انہوں نے ایک بار پھر اسرائیلی وزیراعظم نیتن یاہو سے عہدہ چھوڑنے کا مطالبہ کیا ہے،گذشتہ ہفتے کی رات ایران کےٖ غیر مسبوق حملے کے تناظر میں "اسرائیلی ڈیٹرنس” کو کمزور کرنے کا الزام لگائے جانے کے بعد لپیڈ نے کہا کہ نیتن یاہو کو فوری طور پر مستعفی ہو جانا چاہیے۔

6 ججز کا کو خط ، چیف جسٹس اسلام آباد ہائیکورٹ کی زیرصدارت فل …

لپیڈ کے بیانات سات اکتوبر کو حماس کے غزہ کے حملے کو روکنے میں ناکامی پر انٹیلی جنس چیف کے استعفے کے بعد سامنے آئے ہیں۔ حماس کے اس حملے میں 1200 اسرائیلی ہلاک اور 240 کو یرغمال بنا لیا گیا تھا۔